Eurobasket 2017, Spanja e Sllovenia shkojnë në gjysmëfinale
Autori: Gazeta inFokus 13:22 | 13 September 2017
Spanja dhe Sllovenia ruajnë pathyeshmërinë e tyre dhe kualifikohen për në gjysmëfinalet e kampionatit europian të basketbollit për meshkuj.
Skuadra kampione në fuqi e kontinentit të vjetër eliminoi në çerekfinale Gjermaninë 84-72, duke e ndërprerë rrugëtimin pozitiv të kësaj të fundit.
Për të besuarit e Sergio Scariolos nuk ishte aspak një ndeshje e lehtë, pasi Gjermania për pjesën më të madhe të kohës i bëri të djersinin shumë. Spanjollët e bënë diferencën në parket pas barazimit 50-50, kur Marc Gasol shpërtheu duke shënuar pikë të njëpasnjëshme, duke i dhënë mundësinë Spanjës të shkëputet në 62-50, ndërkohë që ai vet e mbylli ndeshjen me 28 pikë, 10 topa në tabelë dhe 4 asiste.
Pas atij momenti, për Spanjën nuk pati më kthim prapa, ndërkohë që Gjermania u dorëzua pa kushte për t’u kthyer në shtëpi.
Kundërshtarja e Spanjës do të jetë pikërisht Sllovenia, që mposhti Letoninë 103-97. Në minutat e para të kësaj sfide u pa një ekuilibër në parket, por me kalimin e minutave, sllovenët u dukën me një marsh më shumë, duke e çuar në +15 diferencën e pikëve.
Por Letonia tregoi se nuk kishte ardhur rastësisht në këtë fazë të kompeticionit. Balltikët u kundërpërgjigjën me Porzingis dhe e shkurtuan diferencën, madje morën edhe kryesimin në 50-49, ndërsa e mbyllën pjesën e parë me avantazhin 55-51.
Pas pushimit të ndeshjes ishte Sllovenia që u pa e papërmbajtshme në parket, duke e përmbysur rezultatin në 62-55, falë rezultatit të pjesshëm 11-0, ndërsa perioda e tretë u mbyll me avantazhin e Sllovenisë 79-66. Më pas u duk si një ndeshje e arkivuar, por Letonia kishte ende për të thënë.
Porzingis shënoi 9 pikë radhazi dhe sfida u rihap pasi rezultati shkoi në 81-79, kur kishin mbetur 6 minuta nga fundi. Gjithsesi, Sllovenia arriti të krijojë sërish një diferencë prej 8 pikësh, që mundi ta administrojë deri në fundin e sfidës, edhe pse me vështirësi.
Të tjera
-
Njohja e pavarësisë së Kosovës dhe mbështetja e rezolutës së Srebrenicës, Vuçiq: Mali i Zi e shkeli Serbinë
Presidenti serb, Aleksandar Vuçiq, ka theksuar sot se të enjten në seancën e ...
-
Cameroni pritet ta vizitojë Shqipërinë
Sekretari i Jashtëm britanik, David Cameron, javën e ardhshme pritet ta vizit...
-
Platforma e parë inteligjente e nxjerrjes së naftës detare instalohet në Detin e Kinës Jugore
Platforma e parë inteligjente e nxjerrjes së naftës detare e Kinës, "Huizhou ...
-
Nënsekretarja e ShBA-së: Kosova të ec para me Asociacionin
Nënsekretarja e ShBA-së për Diplomacinë Publike, Elizabeth Allen, ka deklarua...
-
Osmani: Fushatat dezinformuese janë kër*ënim për sigurinë kombëtare të Kosovës
Presidentja e Kosovës Vjosa Osmani, ka thënë se fushtat dezinformuese paraqes...
-
Osmani flet për marrëveshjen e nënshkruar me SHBA’të: Janë aleati ynë kryesor
Presidentja Osmani në një konferencë për media ka folur për marrëveshjen e në...
-
Leposaviq: U has me uniformë me emblema të Serbisë, arrestohet e më pas lirohet
Një person është arrestuar e më pas është liruar në procedurë të rregullt. ...
-
25 vjet nga masằkrằ në Burgun e Dubravës
25 vjet më parë në Burgun e Dubravës ndodhi njëra nga masakrat më të mëdha n...
-
“Stoli ari, para dhe 11 ora”, vjedhje e rëndë në Graçanicë
Një burrë në Graçanicë ka raportuar se dikush ka hyrë në shtëpinë e tij dhe i...
-
Nënsekretarja Allen mbërrin në Presidencë, nis takimin me Osmanin
Nënsekretarja amerikane e Shtetit, Elizabeth Allen, ka mbërritur në Presidenc...
-
Bajrami: Kurti të japë dorëheqje, nuk i bëjmë favor me shpërndarje të Kuvendit
Deputetja e LDK-së, Hykmete Bajrami ka kritikuar ashpër qeverinë Kurti për ke...
-
Arratisja e Enver Sekiraqës, deklarohet avokatja e tij
Gjatë ditës së djeshme u raportua për arratisjen e Enver Sekiraqës. Kjo u ...