Edi Rama VS Albin Kurti: Kush punoi më shumë në 100 ditët e fundit të qeverisjes
Autori: Gazeta inFokus 16:00 | 19 February 2022
Shqipëria me një buxhet të miratuar prej rreth 5.2 miliardë euro, është shndërruar në kantier të madh punimesh ku çdo ditë kryeministri i saj Edi Rama, Promovon ose njofton për avancimin e punimeve të më shumë se 120 projekte të ndryshme, për 100 ditët e fundit.
Ndërkohë shteti i ri i Kosovës që ka një buxhet të miratuar prej 2 miliardë 746 milionë euro, ka shënuar stagnim në investimet kapitale dhe kryeministri i saj Albin Kurti, fare pak ka njoftuar për fillimin ose ecurinë e projekteve ekzistente që janë duke u zhvilluar, shkruan Gazeta Infokus.
Sipas një hulumtimi të realizuar nga Gazeta Infokus, për 100 ditët e fundit të qeverisjes së tyre, të dy kryeministrat shqiptarë, ai i Shqipërisë dhe ai i Kosovës kanë dallim të madh në punët që i kanë nisur apo edhe në pasqyrimin e tyre në llogaritë e tyre zyrtare në facebook.
Përderisa kryeministri i Shqipërisë, Edi Rama nga data 20 nëntor 2021 e deri më 17 shkurt 2022, ka promovuar apo njoftuar për punimet në mbi 120 projekte, homologu i tij nga Kosova ka promovuar apo njoftuar për vetëm dy projekte, atë të renovimit të Kullave të Jasharëve në Prekaz, dhe ndarjen e 1000 bursave për vajzat në fushat e Shkencës, Teknologjisë, Inxhinierisë dhe Matematikës.
Ajo që bie në sy te kryeministri i Shqipërisë është fakti se ai krahas këtyre projekteve ka nisur edhe një kampanjë për pastrimin e hapësirave publike në vend e të cilës i ka kushtuar një rëndësi të madhe duke njoftuar për hapësira të pastruara e transformuara pothuajse çdo ditë në tërë Shqipërinë.
Projekt tjetër me rëndësi për qeverisjen atje është edhe ai i “Këshillimit Kombëtar”, i cili në vete ka për qëllim këshillimin e qytetarëve për projektet ekonomike, sociale e kulturore atje.
Ndër të tjera si projekte gjigante në gjithë Shqipërinë, Rama i ka publikuar në llogarinë e tij, blloqet e shumta të ndërtesave të reja për ata që u dëmtuan nga tërmeti i nëntorit, si dhe projekte infrastrukturore që modernizojnë Shqipërinë dhe lidhin çdo skaj të saj duke ofruar lehtësi qarkullimi si për vendorët ashtu edhe për turistët e huaj.
E në profilin e të parit të ekzekutivit të Shqipërisë, në këtë 100 ditësh janë publikuar edhe shumë projekte që kanë për qëllim modernizimin kulturor të Shqipërisë. Po ashtu edhe projekte të shumta që kanë transformuar komplet infrastrukturën shëndetësore dhe arsimore në vend.
Ndërsa kryeministri i Kosovës, Albin Kurti, në 100 ditëshin e fundit, në profilin e tij mbizotërojnë postime fjalimesh e homazhe. Përveç tyre postime të shumta i pari i ekzekutivit pati edhe për fillimisht reduktimet e shumtë me energjinë dhe postime për të arsyetuar veprime e vendime të qeverisë.
Arsyetimet më të shpeshta që Kurti bëri në profilin e tij në facebook ishin në lidhje me krizën energjetike, shtrenjtimin e energjisë, kritika për qeverisjet e deritashme në vend dhe urime të ndryshme për festa.
Me kaq përfundon edhe ky 100 ditësh i fundit i kryeministrit Kosovar në pasqyrimin e projekteve të vendit në facebook.
Kujtojmë se kryeministri, Edi Rama, është për të tretën herë në krye të Qeverisë së Shqipërisë, ndërkohë, Albin Kurti është në krye të qeverisë së Kosovës për të dytën herë, por që llogaritur të dyja mandatet nuk del të këtë qeverisur më shumë se një vit e ca me ekzekutivin e vendit./Gazeta Infokus/
Të tjera
-
Gjobitet kompania që gjatë punimeve bllokoi rrugën magjistrale në Kaçanik
Policia e Kosovës ka bërë të ditur se më 5 maj përgjegjësi i një kompanie për...
-
Shtyhet gjykimi ndaj ish-kryetarit të Leposaviqit dhe tjerëve
Në mungesë të të akuzuarit Mensur Rama dhe avokatëve Imer Beka dhe Kimete Kra...
-
KE: Kosova kualifikohet për pagesa nga Plani i Rritjes, nëse i përmbush kushtet
Komisioni Evropian (KE) ka thënë të premten se Kosova, njëlloj si vendet e tj...
-
Tërmet i fuqishëm në Tajvan
Një tërmet me magnitudë 5.8 ka goditur brigjet lindore të Tajvanit të premten...
-
Osmani pas takimit me Sessions: Ligjvënësit amerikan vazhdojnë të jenë një zë jetik për Kosovën
Presidentja e vendit, Vjosa Osmani e cila ndodhet për vizitë në Shtetet e Bas...
-
Fatura milionëshe për Arkitektin e Kryeqytetit, Përparim Rama i reagon Sveçlës së LVV-së
Perparim Rama e ka akuzuar për manipulim me një faturë milionëshe shefin e Gr...
-
Dënohet me 400 euro gjobë i akuzuari se kanosi deputeten Kusari-Lila
Gjykata Themelore e Prishtinës e ka dënuar me 400 euro gjobë Emin Latin, i ci...
-
Raportimi i Infokusit – Edhe ‘FBI’ përfshihet në hetimet për grupin shqiptar ‘’AlbKings ‘’ në Telegram
Për grupin famëkeq shqiptar në rrjetin social Telegram të quajtur ’AlbKings ‘...
-
Arrestohet hajni që vidhte në objekte fetare në Gjilan
Drejtoria Rajonale e Policisë Gjilan, Njësiti i Hetimeve të Stacionit Policor...
-
Shkarkimet në Policinë e Kosovës – Hoxha përballet me akuza nga opozita, VV-ja e mbron
Me akuza e kundërakuza është përcjellë raportimi i drejtorit të Përgjithshëm ...
-
Pse po largohen hetuesit nga policia, flet drejtori i Policisë kosovare
Drejtori i Policisë së Kosovës, Gazmend Hoxha, të premten gjatë raportimit në...
-
Rohde për Leverkusenin: Një tjetër natë emocionuese, Xhaka me shokët e tij në finale
Ambasadori gjerman në Prishtinë, Jorn Rohde, ka reaguar pasi Bayer Leverkusen...