Minatori Miftar Mehmeti i cili sot ishte njëri ndër të lënduarit në aksidentin që ndodhi rreth orës 13:00 në minierën e Trepçës ka deklaruar për Infokus se drejtori i minierës Bahri Karaça po gënjen në lidhje me ndihmën e tij dhe ekipit të shpëtimit për largimin e minatorëve të lënduar nga miniera.

Ai po ashtu theksoi se kjo gjë nuk është e vërtetë pasi që ai vetë i ka ndihmuar kolegët e tij për të u larguar, derisa edhe ai vetë ishte alivanosur.

“Jam minator në horizontin e 11, sot ka ndodh kjo ngjarje qe ka ndodh apo kjo fatkeqësi po ma ron është tu mardh prej drejtorit Bahri Karaça, drejtor i minierës se del me pretendime se gjoja ai na ka shpetu neve me intervenimin e tij me shpëtimin po kjo nuk është e vërtetë  unë jam nder ata të partë qe jau kam dhanë ndihmën shokëve te mi kolegëve të mijë, dhe pastaj  në rrugë e sipër jam alivanos dhe vet më ka hup vetëdija, për shkaqe ngulfatjes të ajrit të dobët dhe që ka pas kundërmim të ashpër nga acidi sulfurik”, ka deklaruar Mehmeti për Infokus.

-Advertisement-

Ndryshe ai shtoi se acidi që përdoret në minierë e që sot ndodhi aksidenti apo rrjedhja e tij është i shkallës 98 përqind e ku minatori shprehet se ky acid mundet lirisht çelikun me shkri jo ma trupin e njeriut e se në lidhje me këtë rast duhet me dhanë përgjegjësi hierarkia komplet e Trepçës.

“Ai acid sulfurik është 98 shkall apo përqindje dhe munet lirisht me than qe çelikun e shkrin jo mo trupin e njeriut po këtu duhet me dhanë përgjegjësi hierarkia komplet te Trepçës qysh ka ardhë deri te ky aksident fatal, muj me thanë shyqyr që ska qene fatal amo ka mujt me kanë edhe me fatalitet të madh, ne punëtorët tu punu nuk guxon rrepsisht është e ndalushme me ashensor me leshu eksploziv edhe acid këto janë dy land te rrezikshme për jetën tonë e ktu duhet me dhanë llogari dikush prej tynve”, ka deklaruar Mehmeti për Infokus.

Ndërkaq nga Trepça kishin deklaruar se ekipet shpëtuese të minierës kanë reaguar me shpejtësi.

“Ekipet shpëtuese të minierës në krye me Udhëheqësin e Njësisë Biznesore kanë reaguar me shpejtësi për evakuimin e punëtorëve të lënduar nga miniera dhe dhënien e ndihmës së parë duke vazhduar me trajtim të mëtutjeshëm në Spitalin Rajonal të Mitrovicës”, thuhet në reagimin e Trepqës.

E ndryshe në lidhje me deklaratat e  minatorit Miftar Mehmeti Gazeta Infokus ka kontaktuar edhe me drejtorin Bahri Karaça por që deri në publikimin e këtij lajmi nuk kemi marrur ndonjë përgjigje./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-