Dhuna ndaj grave dhe vajzave vijon të jetë një fenomen shqetësues në Kosovë. Vetëm muajin e fundit të vitit që lamë pas shifrat e grave që ishin viktimë e dhunës në familje janë alarmante.

E gjatë dhjetorit të vitit 2023 edhe burrat kanë qenë viktimë e dhunës në familje ani pse në numër shumë më të vogël.

Sipas të dhënave që Gazeta Infokus ka siguruar nga raportet ditore të policisë për muajin dhjetor 2023, 81 gra kanë përjetuar dhunë nga burrat në familje, e në anën tjetër 7 burra kanë qenë viktimë e dhunës nga gratë, shkruan Gazeta Infokus.

-Advertisement-

Fatkeqësisht jo vetëm për një muaj por edhe në vitin që lamë pas Kosova njërin ndër problemet më të mëdha vazhdon ta ketë dhunën në familje.

Sipas të dhënave nga Policia e Kosovës gjatë gjithë vitit 2023 pati 2 mijë e 393 raste të dhunës në familje.

Në shumicën e rasteve viktimë e dhunës janë gratë dhe vajzat, numri i të cilave raste arrin deri në 2 mijë, mirëpo një rritje e dhunës është e dukshme edhe tek rastet ku viktime janë burrat apo 541 raste gjatë vitit të kaluar.

E sipas policisë së Kosovës dënimet për dhunë në familje janë nga gjobat deri në 3 vite burg.

“Dhuna në familje”, si vepër penale është e paraparë edhe me Kodin Penal të Republikës së Kosovës, neni 248, sipas të cilit kushdo që kryen dhunë në familje apo keqtrajtim fizik, psikologjik ose ekonomik me qëllim të cenimit të dinjitetit të personit tjetër brenda një marrëdhënie familjare, dënohet me gjobë dhe burgim deri në tre vjet”, kanë deklaruar nga policia.

Mirëpo duke parë se rastet nuk po ulen madje dhuna në familje është rritur edhe tek pjesa ku viktimë janë burrat, organet e drejtësisë duhet të rishqyrtojnë se si bëhet trajtimi i këtyre rasteve./Gazeta Infokus/

Këtu mund të raportoni dhunën në familje:

• Raporto rastet e dhunës në familje: 0800 19 999
• Numri kontaktues i Mbrojtësve të Viktimave: 0800 11 112
• Numrat kontaktues të shtëpive të sigurta: 0800 800 01 dhe 0800 21 000
• Raporto rastet e dhunës në Policinë e Kosovës: 192

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-