Fokus

Shifra shqetësuese, ja sa persona kanë humbur jetën brenda 3 muajve si shkak i aksidenteve

Autori: Samire Jaha 17:25 | 14 November 2023

Aksidentet e shumta trafiku që po ndodhin në komunikacion po rezultojnë me humbje jete.

E këto shifra janë shqetësuese pasi që numri i aksidenteve qe kanë ndodhur ne Kosovë këto tre muajt e fundit është tejet i madh.

Nga të dhënat që Infokus ka siguruar nga Policia e Kosovës rezulton se nga 1 qershori e deri me 31 tetor brenda Kosovës kanë ndodhur gjithsej 11 mijë e 391 aksidente trafiku.

-Advertisement-

Prej tyre 52 aksidente kanë ndodhur me fatalitet ku nga këto aksidente fatkeqësisht kanë humbur jetën 54 persona.

Gjithashtu gjatë kësaj periudhe kanë ndodhur edhe 4 mijë e 272 aksidente me lëndime e ku janë lënduar gjithsej 8 mije e 179 persona.

Po ashtu në këto të dhëna që infokus ka siguruar, thuhet se brenda këtyre 3 muajve kanë ndodhur edhe 7 mijë e 67 aksidente me dëme materiale.

Për këto aksidente Policia e Kosovës ka treguar edhe shkaktarët më të shpeshtë.

“Ndërsa faktorët me të shpeshtë nga numri i përgjithshëm i aksidenteve janë: Mos mbajtja e distancës mes mjeteve, Manipulimi i pasigurt me automjet, Mos përshtatja e shpejtësisë me kushtet e rrugës, etj.”, thuhet në përgjigjen e policisë për Infokus.

Për të ditur më shumë për aksidentet brenda 3 muajve të fundit në Kosovës, ndiqeni storien më poshtë:

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

fokus