Fokus

Kur pritet të lirohet nga spitali njëri nga terroristët e plagosur në Banjskë, flet drejtori i Klinikës së Ortopedisë

Autori: Gazeta inFokus 23:41 | 26 September 2023

Pjesëtari i grupit terrorist me inicialet V.T, i arrestuar nga Policia e Kosovës në Banjskë të Zveçanit, po vazhdon të trajtohet në Qendrën Klinike Universitare të Kosovës pas plagëve të marra.

Drejtori i Klinikës së Ortopedisë, Gani Jashanica, në një prononcim për Infokus ka treguar se kur mund të lirohet nga spitali i arrestuari.

“Saktësisht nuk mund të caktojmë datën kur lirohet, për arsye se ekziston mundësia e infeksionit, nëse shkon gjithçka mbarë besoj brenda 10 ditëve do të lirohet”, ka thënë ai.

-Advertisement-

Gjithashtu, Jashanica ka dhënë detaje për gjendjen shëndetësore të tij.

“Gjendja e të arrestuarit është e mirë, jashtë rrezikut për jetë. Konkretisht ka plagë tej shpuese më armë zjarri në kërcirin e majtë dhe plagë shpuese në femurin e majtë. I është nënshtruar ditën e pranimit operacionit nga ekipa kujdestare ku gjendja e përgjithshme është e mirë, sot pritet t’i bëhet një rentgen dhe të vërehet pozita e fragmenteve”, ka thënë drejtori i Klinikës së Ortopedisë për Infokus.

Ndaj të arrestuarit V.T, Gjykata Themelore në Prishtinë ka caktuar masën e paraburgimit për një muaj.

Seanca dëgjimore ndaj të pandehurit u mbajt në hapësirat e Qendrës Klinike Universitare të Kosovës, ku ai po merr trajtim mjekësor.

V.T dyshohet për vepra kundër rendit kushtetues të Kosovës dhe për kryerjen e veprave terroriste.

Kujtojmë se nga këto sulme nga ky grup terrorist mbeti i vrarë rreshteri i Policisë së Kosovës, Afrim Bunjaku.

Të hënën ai u shpall “Hero i Kosovës”, nga presidentja Vjosa Osmani./Gazeta Infokus/

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

fokus