Fokus

Prokuroria jep detaje për rastin e dhunimit të gruas nga pronari i shtëpisë që shkoi ta merrte me qera

Autori: Gazeta inFokus 13:20 | 19 Prill 2023

Të martën një grua u dhunua në Prishtinë nga pronari i shtëpisë që shkoi ta merrte me qera, shkruan Gazeta Infokus.

Nga Prokuroria Themelore në Prishtinë për Gazetën Infokus e kanë konfirmuar se kanë lëshuar aktvendim mbi ndalim për të dyshuarin dhe se brenda afatit ligjor do të kërkohet caktimi i masës së paraburgimit.

“Lidhur me këtë rast ju njoftojmë se Prokurori i Shtetit ka lëshuar aktvendim mbi ndalim për të dyshuarin, për shkak të veprës penale “Dhunimi, sipas KPRK-së dhe brenda afatit ligjor do të ushtrojë kërkesë për caktimin e masës së paraburgimit ndaj të njëjtit, pranë Gjykatës kompetente”, ka deklaruar për Infokus, zëdhënësja e prokurorisë, Laureta Ulaj.

-Advertisement-

Derisa nuk janë dhënë më shumë detaje, Ulaj ka thënë se institucionet relevante janë duke hetuar rastin.

“Prokuroria në koordinim të plotë me Policinë e Kosovës dhe institucionet relevante janë duke ndërmarrë veprime hetimore për ta sqaruar në plotëni këtë rast”, ka thënë zëdhënësja.

Ndërsa sipas raportit 24 orësh të policisë së Kosovës sulmi seksual ka ndodhur derisa viktima ishte duke shkuar për të parë shtëpinë që do ta merrte me qera.

“Viktima femër kosovare ka raportuar se derisa ka shkuar tek shtëpia e të dyshuarit mashkull kosovar (të cilën do ta merte me qera)  është sulmuar seksualisht pa dëshirën e saj. Viktima është dërguar për ekzaminim mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin e policisë.

E rëndë: Prishtinasja dhunohet nga pronari i shtëpisë që shkoi ta shikonte për ta marrë me qera

Gjatë ditës në raportin e policisë ka qenë edhe një rast tjetër dhunimi në Gjilan, ku një grua ka raportuar se është ngacmuar seksualisht nga shoferi i taksisë./Gazeta Infokus/

Gjilan: Gruaja mori taksinë për t’u kthyer në shtëpi, dhunohet nga shoferi

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy