A ka kushte për mbajtje të zgjedhjeve në veri: “Situata shumë afër eskalimit”
Autori: Gazeta inFokus 16:51 | 13 April 2023
Eksperti i Sigurisë, Bedri Elezi, ka thënë se pas incidentit që ndodhi në veri të Kosovës ku dyshohet se një polic plagosi një serb, është vështirë të besohet se zgjedhjet e 23 prillit në veri realisht mund të mbahen.
Ai në një intervistë për Gazetën Infokus ka deklaruar se nuk ka kushte sa i përket sigurisë dhe zgjedhjet mund të përdoren si arsyetim për tensionimin të gjendjes në veri. E para se kjo të ndodhë institucionet në Kosovë sipas tij duhet të dëshmojnë se ka kushte reale për mbajtjen e zgjedhjeve në katër komunat veriore.
“Nëse para këtij incidenti mund të shpresonim se mund të mbaheshin zgjedhjet në veriun e Mitrovicës, tani e kemi të vështirë të besojmë dhe shpresojmë se mund të krijohet kushte për mbajtjen e këtyre zgjedhjeve. Institucionet e Republikës së Kosovës, duhet të fillojnë në maratonë aktivitetesh për sanimin e situatës së krijuar, kështu duke prezantuar prova bindëse se Kosova nuk ka qellim eskalimin e situatës duke tentuar organizimin e zgjedhjeve në veriun e Mitrovicës. Nëse Institucionet e sigurisë nuk mund të dëshmojnë se kemi kushte sigurie për mbajtjen e zgjedhjeve, atëherë këta zgjedhje do të shtyhen për një datë tjetër”, ka thënë Elezi.
Njohësi i sigurisë ka shtuar se situata në veri vazhdon të jetë serioze dhe edhe mund të përshkallëzohet në përmasa të eskalimit, në gjithë territorin e Kosovës, shkruan Gazeta Infokus.
“Situata e sigurisë në veriun e Mitrovicës është serioze, ngase ekziston rreziku i përshkallëzimit apo eskalimit, pas incidentit ku një qytetar nga komuniteti serb është plagosur ditë më parë nga policia e Republikës së Kosovës. Referuar kësaj ngjarje si dhe përpjekjeve të vazhdueshme të strukturave paralele e kriminale të cilat veprojnë në veriun e Mitrovicës, si dhe faktit së këta struktura kriminale vazhdojnë të mbështetën nga shërbimet sekrete serbo ruse, ekziston rreziku i eskalimit të situatës në veriun e Mitrovicës apo edhe gjithë territorin e Republikës së Kosovës. Kosova është duke bërë përpjekje të organizimin e zgjedhjeve lokale në 4 komunat veriore, edhe pse kjo është kundërshtuar nga serbet lokal dhe Beogradi zyrtar, andaj ky incident mund të përdoret nga strukturat kriminale serbe për organizimin e aktiviteteve të dhunshme me qellim mos lejimin e zgjedhjeve lokale si dhe mos lejimin e operimit të policisë së republikës të Kosovës në veriun e Mitrovicës”, është shprehur eksperti i sigurisë.
Por çfarë duhet të ndërmarrin institucionet në vend në mënyrë që kjo të mos ndodhë?
Elezi ka deklaruar se qeveria, presidenca e institucionet e tjera duhet të kenë kujdes me deklaratat publike që bëjnë në këto kohë për ngjarjet në veri apo të dhënat që mund të ketë Agjencia Kosovare e Inteligjencës.
“Fillimisht ne duhet të njohim realitetin e krijuar së fundi në veri, pastaj duhet marrë veprime konkrete për të bindur faktorin ndërkombëtar se incidenti të konsiderohet si rast i izoluar, gjithashtu të japim prova të besueshme se personat e përfshi në këtë rast do të vendosën para drejtësisë dhe po ashtu do të marrin dënimin e merituar. Fakti se ditë më parë presidentja e Republikës së Kosovës si dhe deputet të Kuvendit kanë deklaruar se AKI, kishte siguruar informacione të besueshme se në Rashk të Serbisë janë duke u përgatitur struktura të caktuara për të kryer sulme në veri apo për të aneksuar veriun e Mitrovicës e ka vendosur Kosovën në një pozicion tejet të rëndë në raport me shërbimet partnere të cilat mund të hezitojnë për të besuar se ky incident ishte i rastësishëm, dhe nuk ndërlidhet me ndonjë plan sekret për provokimin e situatës së sigurisë nga vetë Kosova, dhe kështu krijimin e një situate e cila do të inkurajonte aktivitete të dhunshme në veri. Ne duhet të kemi shumë kujdes në komunikim me publikun, sepse mund të krijojmë instituata nga të cilët do të dëmtojmë rëndë projektet e paqes në Kosove dhe rajon”, përfundon ai.
Në lidhje me gjendjen në veri kane folur sot edhe nga Misioni i EULEX-it në Kosovë.
Ata janë shprehur se është duke shqyrtuar rritjen e pranisë më të madhe të patrullave në zonën e Urës së Bistricës në Veri, në koordinim më të ngushtë me Policinë e Kosovës dhe KFOR-in.
Kjo sepse sipas tyre situata në këto pjesë është e brishtë.
“Situata e sigurisë në veri të Kosovës mbetet e brishtë, pasi vakuumi i sigurisë dhe sundimit të ligjit të krijuar pas dorëheqjes së policëve, prokurorëve, gjyqtarëve dhe stafit mbështetës serb të Kosovës po vazhdon. Në dritën e incidentit të fundit, ne jemi duke shqyrtuar mundësinë e rritjes së frekuencës së patrullave tona të zbulimit rreth zonës afër urës së Bistricës, në koordinim më të ngushtë me Policinë e Kosovës dhe KFOR-in”, kanë thënë nga Eulex-i./Gazeta Infokus/
Të tjera
-
Cameroni pritet ta vizitojë Shqipërinë
Sekretari i Jashtëm britanik, David Cameron, javën e ardhshme pritet ta vizit...
-
Platforma e parë inteligjente e nxjerrjes së naftës detare instalohet në Detin e Kinës Jugore
Platforma e parë inteligjente e nxjerrjes së naftës detare e Kinës, "Huizhou ...
-
Nënsekretarja e ShBA-së: Kosova të ec para me Asociacionin
Nënsekretarja e ShBA-së për Diplomacinë Publike, Elizabeth Allen, ka deklarua...
-
Osmani: Fushatat dezinformuese janë kër*ënim për sigurinë kombëtare të Kosovës
Presidentja e Kosovës Vjosa Osmani, ka thënë se fushtat dezinformuese paraqes...
-
Osmani flet për marrëveshjen e nënshkruar me SHBA’të: Janë aleati ynë kryesor
Presidentja Osmani në një konferencë për media ka folur për marrëveshjen e në...
-
Leposaviq: U has me uniformë me emblema të Serbisë, arrestohet e më pas lirohet
Një person është arrestuar e më pas është liruar në procedurë të rregullt. ...
-
25 vjet nga masằkrằ në Burgun e Dubravës
25 vjet më parë në Burgun e Dubravës ndodhi njëra nga masakrat më të mëdha n...
-
“Stoli ari, para dhe 11 ora”, vjedhje e rëndë në Graçanicë
Një burrë në Graçanicë ka raportuar se dikush ka hyrë në shtëpinë e tij dhe i...
-
Nënsekretarja Allen mbërrin në Presidencë, nis takimin me Osmanin
Nënsekretarja amerikane e Shtetit, Elizabeth Allen, ka mbërritur në Presidenc...
-
Bajrami: Kurti të japë dorëheqje, nuk i bëjmë favor me shpërndarje të Kuvendit
Deputetja e LDK-së, Hykmete Bajrami ka kritikuar ashpër qeverinë Kurti për ke...
-
Arratisja e Enver Sekiraqës, deklarohet avokatja e tij
Gjatë ditës së djeshme u raportua për arratisjen e Enver Sekiraqës. Kjo u ...
-
Prishtinë: Babë e bir rrằhen mes vete
Babë e bir janë rrahur mes vete, pas një mosmarrëveshje që kishin pasur. R...