Gëzim Tosuni, nipi i Zëvendës Kryeministrit, Besnik Bislimi, pas raportimit të Gazetës Infokus, është eliminuar nga gara për pozitën e guvernatorit të Bankës Qendrore të Kosovës. Ai ishte në listën prej 14 personave që pretendonin karrigen e të parit  të BQK-së dhe nuk ka arritur te kalojë fazën e intervistimit.

Gazeta Infokus raportoi ekskluzivisht të martën se kishin filluar intervistimet nga paneli i BQK-së dhe në garë ishte edhe nipi i Bislimit. Mirëpo si duket ai nuk e ka kaluar fazën e intervistimit dhe është eliminuar nga gara.  Kjo sipas njoftimit të BQK-së ku thuhet se janë 4 emra të cilët janë përzgjedhur e do të dërgohen për votim në Kuvendin e Kosovës ashtu siç e parasheh ligji për BQK-në.

Emrat e përzgjedhur janë, Shkendije Himaj, zyrtare e lartë për 18 vite në BQK, Nexhat Kryeziu, anëtar i Bordit të BQK-së, Ahmet Ismaili dhe Lulzim Ismajli.

Kjo nuk është hera e parë që nipi i Besnik Bislimit pretendon ose zgjidhet në pozita të tilla shtetërore.

Në vitin 2021 ai u emërua në Këshillin Shtetëror të Cilësisë, si anëtar për të monitoruar punën. Mirëpo përveç punësim në baza familjare për shkak të afërsisë që Tosuni kishte me zv. kryeministrin e parë të vendit, kjo pozitë që iu dha atij paraqiste edhe konflikt interesi.

Për këtë kishte raportuar Gazeta Infokus, në vitin 2021, dhe arsyeja pse ky post që iu dha “nipit të famshëm” paraqiste edhe konflikt interesi ishte për shkak se në të njëjtën kohë ai po mbante edhe pozitën e anëtarit të Bordit për nostrifikim të diplomave në Ministrinë e Arsimit.

E që pas raportimit të Gazetës Infokus, Agjencia Kundër Korrupsion e kishte obliguar që të largohej nga njëra prej këtyre pozitave.

LEXO EDHE: Nipi i “famshëm” i Besnik Bislimit në konflikt interesi, iu besua edhe një pozitë në kuadër të MASHT-it

“Ashtu, diçka ngjashëm siç ka thënë Albini që e ka Glaukun. Dmth as djalë i dajës, as i hallës, as nip e as motër”, pati thënë Nagavci, me çka edhe pati nxitur të qeshura në Kuvend.

Por kulmin ia pati vënë ministrja e Drejtësisë, Albulena Haxhiu, e cila pati deklaruar se kur e ka pyetur Bislimin se çfarë e ka Tosunin, Bislimi i paska pas thënë se në këto 50 vjet ndoshta mund ta ketë takuar njëherë.  Ndërsa, Tosuni është nën moshën 50 vjeçare.

Mirëpo më pas Bislimi e kishte konfirmuar marrëdhënien e tij familjare me Tosunin duke shpërndarë në profilin e tij zyrtar një arritje të nipit të tij e duke shkruar shkurtimisht “Bravo Nipi”./Gazeta Infokus/

LEXO EDHE: Gara për guvernator të BQK-së, këta janë emrat në listën e ngushtë që do të votohen në Kuvend

Zbritje dhe plot 5 dhurata – Oferta spektakulare e dyshekëve Comodita

Sponsoruar