Kupa e Botës 2022

Arrestohet futbollisti i Juventusit në Holandë

Autori: Gazeta inFokus 23:23 | 22 November 2022

Mohamed Ihattaren raportohet se është arrestuar.

Sipas “De Telegraaf”, ai ishte në një shtëpi në Utrecht në kohën e arrestimit dhe u dërgua në një stacion policor, transmeton Gazeta Express.

Detajet mbeten të paqarta, me policinë që vetëm konfirmoi se kishte arrestuar një 20-vjeçar për “kërcënim”.

-Advertisement-

Ihattaren ishte një nga lojtarët më premtues në Holandë kur hyri në akademinë e PSV Eindhovenit, por jeta e tij doli jashtë kontrollit pas vdekjes së babait të tij.

Ai kishte shpresuar se një lëvizje në një vend të ri do ta ndihmonte dhe iu bashkua Juventusit në vitin 2019.

Megjithatë, ai u huazua në Sampdoria menjëherë, por as aty nuk bëri vend.

Pas kësaj, 20-vjeçari u kthye me nxitim në Holandë dhe për disa javë nuk dinte askush për vendndodhjen e tij.

Kësisoj, Juventusi e ndërpreu atë huazim dhe e dërgoi atë te Ajaxi në janar të këtij viti, por situata nuk u përmirësua as atje dhe klubi holandez gjithashtu po kërkon një përfundim të hershëm të kësaj marrëveshjeje.

Wesley Sneijder dhe familja e ish-lojtarit të Ajaxit, Appie Nouri, u përpoqën ta merrnin atë, por pati një kaos të mëtejshëm me një martesë shumë të shkurtër të tij me Yasmine Driouech, si dhe një incident ku vetura “Porsche” e tij mori flakë në Utrecht.

Siç qëndrojnë gjërat, Ihattaren pritet të kthehet në Juventus për stërvitje në janar të vitit të ardhshëm.

Marokeno-holandezi me “Zonjën e Vjetër” ka kontratë të vlefshme deri më 30 qershor 2025.