Presidenca shfajësohet për dështimin e dekretimit të ambasadorëve të rinj, fajin ia hedh MPJ-së
Autori: Doresa Geci 14:04 | 31 August 2021
Shteti i Kosovës, nga fillimi i javës (30 gusht) ka mbetur pa ambasadorë në 12 shtete mike. Kjo për faktin, se ambasadorët e shkarkuar në majin e këtij viti nga presidentja, Vjosa Osmani, nuk janë zëvendësuar me diplomatë të rinj, shkruan Gazeta Infokus.
Si pasojë e mosdekretimit të ambasadorëve të rinj, ata të shkarkuarit po kthehen në Kosovë, duke mos pasur kujt t’ia dorëzojnë detyrën.
Por e kujt është përgjegjësia për këtë kaos në shërbimin e jashtëm diplomatik të shtetit?
Këshilltari i presidentes,Vjosa Osmanit, Bekim Kupina e shfajëson shefen e shtetit.
Lexo edhe: Osmani, Kurti dhe Gërvalla dështuan në zëvendësimin e 12 ambasadorëve të rinj
Në një prononcim për Gazetën Infokus, ai ka thënë se në Presidencë nuk u ka shkuar asnjë propozim për dekretim të ambasadorëve të rinj.
“Deri tashti, Presidentes nuk i ka ardhur asnjë propozim për dekretim. Sapo të vijnë propozimet për dekretim, Presidentja do t`i nënshkruaj ato”, ka thënë Kupina për Infokus.
Kupina ka siguruar se gjatë dekretimit të ambasadorëve të rinj do të respektohet ligji.
“Presidentja Osmani do t’i dekretoj emrat menjëherë sapo të arrijnë nga Qeveria. Do të respektohet ligji sa i përket kuotës 50-50”, ka thënë ai.
Mirëpo, me Kushtetutë presidentja pos që është shefe e diplomacisë, ajo është e obliguar të garantoj funksionimin normal të institucioneve.
Ministrja e Punëve të Jashtme, Donika Gërvalla pati deklaruar se 30 gushti do të ishte afati i fundit kur do të bëhej pranim- dorëzimi i detyrave nëpër ambasada.
Një gjë e tillë megjithatë nuk ndodhi.
Vetëm gjatë ditës së djeshme, tre ambasadorë kanë bërë publike përfundimin e misionit.
Madje, ambasadori i Kosovës në Australi, Hajdin Abazi, ka njoftuar se është larguar nga posti i tij pa pasur dikë që ta zëvendësoje dhe ta bëjë pranim – dorëzimin e detyrës.
Detyrën e ka liruar edhe ambasadori i Kosovës në Kroaci, Gëzim Kasapolli dhe ai në Gjermani, Beqë Cufaj.
Për vonesën e Qeverisë në procesin e emërimit të ambasadorëve të rinj ka patur kritika të vazhdueshme nga deputetët opozitar.
Zëvendëskryetari i Komisionit parlamentar për Politikë të Jashtme, Xhavit Haliti, para pak ditësh ka deklaruar për Infokus, se vonesa në përzgjedhjen e ambasadorëve të rinj mund të jetë si pasojë e problemeve që kanë partnerët e koalicionit qeverisës.
Lëvizja Vetëvendosje dhe Lista Guxo, siç ka thënë ai, dëshirojnë të dërgojnë njerëzit e tyre në këto ambasada.
Po ashtu, sipas tij mund të ketë konflikt ndërmjet presidentes dhe kryeministrit për emrat e përmendur për ambasadorë.
12 shtetet në të cilat Kosova ka mbetur pa ambasadorë fuqiplotë janë: Gjermania, Shqipëria, Çekia, Holanda, Hungaria, Kroacia, Sllovenia, Maqedonia e Veriut, Australia, Mali i Zi, Emiratet e Bashkuara Arabe dhe Katari./Gazeta Infokus/
Të tjera
-
Tre monumente të Gjergj Kastriot Skënderbeut i shtohen komunave arbëreshe në Kalabri
Tre monumente të Gjergj Kastriot Skënderbeut, iu shtuan sot komunave arbëresh...
-
Abdixhiku në Gjilan: Me qytetarët po flasim hapur e po marrim mbështetje për programin tonë kombëtar
Kryetari i LDK-së, Lumir Abdixhiku, ka qëndruan për vizitë në Gjilan, ku bash...
-
“Të gjitha i gjetëm në magjistrale, por vetëm peshkun jo”, PDK: Qeveria Kurti po tenton ta përmbysë Ferizajn
Rinia e Partisë Demokratike të Kosovës, sot përmes një aksioni ka shfaqur pak...
-
Ikja e mjekëve sfidë për institucionet
Largimi i mjekëve nga Kosovë për të kërkuar punë dhe kushte më të mira në ven...
-
Vetaksident në magjistralen Duhël-Suharekë, lëndohen dy persona
Një vetaksident ka ndodhur mesditën e së shtunës në magjistralen Duhël-Suhare...
-
Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
Kryeparlamentari Glauk Konjufca ka shprehur zhgënjimin e tij ndaj deklaratave...
-
“Bajraktarët” e Shqipërisë nisin kontrollet nga ajri
Në ditët që vijnë do të nisin kontrollet e para nga ajri, përmes fluturimeve ...
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Ditët e fundit, Presidenti i Francës Emmanuel Macron dhe Kancelari gjerman Ol...
-
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Që prej 1 majit, kalimet mes Kosovës dhe Shqipërisë bëhen pa kontrolle kufita...
-
Zbulohet statuja e Skënderbeut në Gjakovë, marrin pjesë pozitë e opozitë
Këtë të shtune është zbuluar statuja e heroit kombëtar Gjergj Kastrioti – Skë...
-
Mungesa e pasaportave të reja në Maqedoninë e Veriut: Sytë kah Shqipëria dhe Mali e Zi për pushime
Mile Jovanovski me dy fëmijët e tij dhe bashkëshorten, këtë vit pushimet vero...
-
Ekspertët kinezë dhe francezë kërkojnë të ardhmen shumëpalëshe në forumin e qeverisjes globale
Më shumë se 100 ekspertë kinezë dhe francezë u mblodhën në Paris të enjten pë...