Ramë Likaj nuk mërzitet për gjendjen katastrofale në arsim
Autori: Doresa Geci 16:27 | 07 October 2020
“Katastrofë”, është vlerësuar gjendja në sistemin arsimor në Kosovë nga Komisioni Evropian një ditë më parë.
Por, kjo duket se nuk i ka bërë fare përshtypje udhëheqësve të institucioneve vendëse, të cilat tash e sa vite marrin kritika të ngjashme në raportet vendëse e ndërkombëtare.
Ministria e Arsimit, e cila do të duhet të merrte me shqetësim të gjeturat e raportit të fundit të Komisionit Evropian ka zgjedhur të heshtë, shkruan Gazeta Infokus.
Ndërkaq, sipas njohësit e çështjeve të arsimit, vlerësojnë gjendjen më të rënduar se që është paraqitur në raport.
Numri i ulët fëmijëve që shkojnë në ciklin parashkollor, sidomos në zonat rurale, e deri të numri i madh i të diplomuarve të pa punë, për të cilët bizneset janë shprehur se nuk janë të përgatitur profesionalisht, janë disa nga gjetjet e Komisionit Evropian.
“Gjendja në arsimin e Kosovës, është më e rëndë se sa ajo që thuhet në raport. Ky konstatim është korrekt dhe diplomatik, andaj nuk është përdorur një gjuhë më e ashpër. Nga viti 2014, arsimi i Kosovës është duke degraduar tej mase në të gjitha aspektet”, thotë njohësi i kësaj fushe, Halim Hyseni për Gazetën Infokus.
Ndërsa drejtori i Institut Ed-Guard, Rinor Qehaj i sheh shqetësuese të gjeturat e raporti të Komisionit Evropian.
Sipas tij për dallim nga viti i kaluar sivjet në Kosovë nuk është shënuar asnjë progres në fushën e arsimit.
“Të gjeturat mbi arsimin në Kosovë të Raportit Komisionit Evropian të vitit 2020 janë shqetësuese. Për dallim nga viti 2019, kur në Raport shënohej një progres i kufizuar në arsim, këtë vit Komisioni Evropian konkludon se nuk ka pasur asnjë progres në këtë fushë. Po ashtu, Raporti i Progresit vë në pah se përkundër performances së dobët të sistemit arsimor, Qeveria e Kosovës nuk ka jetësuar asnjë reformë në arsim”, ka thënë Qehaja për Gazetën Infokus.
Qehaja thotë se arsyeje e gjendjes se tillë në këtë fushë është për shkak të mos respektimit të rekomandimeve të dhëna në vitin e kaluar në fushën e arsimit.
Ai po ashtu thotë që Ministria e Arsimit duhet të rris buxhetin për arsim.
“Institucionet e Kosovës duhet të adresojnë rekomandimet e Komisionit Evropian si pikënisje për përmirësim të cilësisë në të gjitha nivelet e sistemit arsimor. Rritja e buxhetit për Ministrinë e Arsimit dhe Shkencës duhet të jetë prioritet për Qeverinë e Kosovës. Një koordinim gjithë institucional për zbatim të reformave të menjëhershme dhe gjithëpërfshirëse në arsim është domosdoshmëri”, është deklaruar ai.
Edhe Dukagjin Pupovci, njëri nga njohësit dhe kritikët e gjendjes së krijuar në sistemin arsimor në vend, vlerëson se gjendja në arsim nuk është përmirësuar për arsye se nuk ka pasur përpjekje serioze në këtë drejtim.
“Raporti i fundit i progresit ka dalë në fund të majit 2019, pak muaj para se Kosova të hynte në ciklin e zgjedhjeve, kështu që nuk është punuar pothuaj se asgjë deri në shkurtin e këtij viti. Pastaj, erdhi Qeveria Kurti me një program mjaft të konsoliduar për arsimin, por shumë shpejtë u përball me pandeminë, e më vonë edhe u shkarkua”, thotë Pupovci.
Sipas tij prioritet i Qeverisë aktuale është menaxhimi i pandemisë, negociatat me Serbinë dhe efektet që mund t’i shkaktojnë veprimet e gjykatës speciale, ndërkohë që shumica parlamentare është jostabile.
“Në kushte të tilla, ka pak gjasa se mund të bëhet ndonjë hap radikal drejt përmirësimit të gjendjes në arsim. Mund të bëhen plane e të rishikohen plane, por ato do të mund të zbatohen vetëm kur të kemi një qeverisje stabile dhe kur pandemia të mos jetë faktori kryesor që i dikton zhvillimet në arsim, siç është gjendja tani”, thotë ai.
E njohësi i arsimit, Halim Hyseni fajtor për gjendjen e keq i fajëson ministrat e deri tanishëm si dhe ministrin e tanishëm Ram Likaj.
“Me udhëheqjet e deritashme dhe të tashme si dhe me veprimet e klasës politike jo vetëm të tashme por edhe të kaluara të cilat kanë qenë në pushtet nuk ka dalje nga kriza, sepse këtyre u mungon vizioni dhe vullneti për zgjidhjen e problemeve jo vetëm arsimore, por edhe problemeve te tjera, sepse zgjidhja e tyre atakon interasat e tyre personale”, ka thënë Hyseni për Infokus.
Gazeta Infokus ka kërkuar nga Ministria e Arsimit përgjigje lidhur me gjetjet e Komisionit Evropian, mirëpo MASHTI nuk ka kthyer asnjë përgjigje./Gazeta Infokus/
Të tjera
-
Presidentja Osmani: Luani dhe familja Haradinaj, dhanë shumë për lirinë e Kosovës
Presidentja e Kosovës, Vjosa Osmani, ka kujtuar Luan Haradinajn, në 27-vjetor...
-
Ahmeti për ndërhyrjet e Kurtit në zgjedhje: S’është e mirë, sepse Kosovës i duhen miq e në veçanti shtetet fqinje
Kryetari i Bashkimit Demokratik për Integrim (BDI), Ali Ahmeti, ka thënë se n...
-
Policia e Kosovës, KFOR-i dhe EULEX-i të martën zhvillojnë ushtrime të përbashkëta
Policia e Kosovës, bashkë me mision e KFOR-it dhe atë të EULEX-it do të kryej...
-
Ka përfunduar takimi i Ambasadorëve të QUINT’it me Kurtin, s’jepen tjera detaje
Ambasadorët e shteteve të QUINT’it i kanë shkuar në zyrë kryeministrit të Kos...
-
Gjobë prej 200 eurove, 2 pikë negative dhe marrje e patentës, për shoferin që përdori telefon gjatë ngasjes
Policia e Kosovës ka hasur në një shofer në Mitrovicë të Jugut, i cili ishte ...
-
Burri që gőditi burrin në kokë pasi nuk pranoi të bënte marrdhënie dyshohet se janë dajë e nip
Një rast i rëndë ka ndodhur mbrëmë në Fushë Kosovë dhe po cilësohet si “Vrasj...
-
“U shokova, lutesha të mos ishte njeri”, flet peshkatari që gjeti trupin e pajetë të 9-vjeçares në lum
Shkodra është tronditur ditën e dijshme pas gjetjes në ujërat e lumit Buna të...
-
Osmani kujton Aganin: Vizioni i tij do të na udhëheqë përherë në rrugëtimin për forcimin e shtetit
Presidentja e Kosovës, Vjosa Osmani ka kujtuar akademikun, Fehmi Aganin, në 2...
-
Abdixhiku në 25 vjetorin e vrasjes së Fehmi Aganit: Ishte truri i lëvizjes për liri, vrasja e tij akt hakmarrjeje për triumfin tonë
Kryetari i LDK’së, Lumir Abdixhiku, ka kujtuar Fehmi Aganin në 25 vjetorin e ...
-
Gjermania ka dënime të ashpra për larjen e veturave në oborr
Shkuarja në autolarje mund të jetë mjaft e shtrenjtë. Siç tregon raporti i Fo...
-
Gjyqtari në rastin e krerëve të UÇK-së: Deri më tash kanë dëshmuar mbi 100 persona, duhet gjykim i drejtë dhe i shpejtë
Kryetari i trupit gjykues në Hagë në rastin e krerëve të UÇK-së, Charles Smit...
-
9-vjeçarja do varroset nga familja e të atit, asnjë gjurmë nga nëna dhe 2 fëmijët
Një ngjarje e rëndë tronditi Shkodrën dhe vendin fundjavën që shkoi. Një nënë...