Avazi i vjetër politik për emërimin e anëtarëve të bordeve të ndërmarrjeve publike me militantë partiak, është duke vazhduar edhe nga qeverisja Kurti.

Ndonëse premtuan se në institucione nuk do të ketë nepotizëm, një gjë e tillë nuk po ndodhë, shkruan Gazeta Infokus.

Së fundmi Gazeta Infokus ka mësuar se dy ortakët e një biznesi janë emëruar në borde të ndryshme në ndërmarrje publike të ndryshme në Kosovë.

-Advertisement-

Arbnor Pula që sipas dëshmive është i lidhur me Vetëvendosjen, ditë më parë u emërua drejtor i bordit të Korporatës Energjetike të Kosovës.

Pula ka lidhje të afërt me deputeten e Vetëvendosjes, Mimoza Kusarin. Ai së bashku me Kusarin në vitin 2014, kanë qenë pjesë e Aleancës Kosova e Re.

Ku më pas të dytë u bashkuan me Lëvizjen Vetëvendosje.

Kështu, drejtori i bordit të KEK-ut, në zgjedhjet e fundit kishte bërë fushatë për partinë e Albin Kurtit.

E një gjë të tillë nuk kishte hezituar ta bëjë edhe nëpërmjet rrjetit social “Facebook”.

 

Ai është kujdesur që tani ta rehatoj në një ndërmarrje tjetër edhe partneren e tij në biznes, Nora Tafarshikun.

Tafarshiku është emëruar kryesuese e bordit të KRU Prishtina, ndërsa me Arbnor Pulën janë “ortak” në kompaninë “AsD Group Sh.p.k”.

Këtë kompani në bazë të çertifikatës në Agjencinë për Regjistrimin e Bizneseve, e udhëheqin Nora Tafarshiku, Arbnor Pula dhe Shar Kurtishi.

Ky biznes i tyre madje është i raportuar edhe në Agjencinë Kundër Korrupsionit.

Por ky nuk është i vetmi përkrahës i Vetëvendosjes që duket se ia ka parë hajrin ardhjes së kësaj partie në pushtet.

Lexo edhe: Vazhdon si PDK-ja…Një familje e lidhur me VV-në avancohet në ndërmarrje publike nga Qeveria Kurti

Gazeta Infokus ka raportuar gjatë ditës se Milot Podvorica, ish-këshilltar i ministrit Arben Vitia, militant i flaktë i Lëvizjes Vetëvendosje, duket se ka ndikuar që ta rehatojë babain e tij, Rexhep Podvoricën, në bordin e ndërmarrjes publike të Ibër Lepencit. Ndërkaq, vet Miloti është avancuar në pozitën e drejtorit të zyrës ligjore në KEK.

Më poshtë gjeni certifikatën e biznesit të drejtorit të KEK-ut, Arbnor Pula. /Gazeta Infokus/

Udhëto nga Suedia drejt Kosovës me PrishtinaTickets

Sponsoruar

-Advertisement-