Ekonomi

Raporti i INDEP-it: Kosova po përballet me varfëri energjetike, më së shumti preken familjet me të ardhura të ulëta

Autori: Gazeta inFokus 13:54 | 06 November 2024

Instituti për Politika Zhvillimore (INDEP), vlerëson se Kosova është duke u përballur me varfëri energjetike.

Kjo është theksuar në një tryezë të organizuar të mërkurën nga INDEP-i, ku edhe është prezantuar raporti.

“Faktorë kryesorë që ndikojnë në varfërinë e energjisë janë të ardhurat e ulëta, kushtet e dobëta në objektet, në hapësirat ku banojnë dhe pajisjet jo efiçiente…9:36 Sipas statistikave të fundit të vitit 2022, janë diku rreth 41 milionë njerëz në Evropë, të dispozuar në varfëri ë energjisë, që i bie 9.3 për qind e qytetarëve në BE, janë të varfër, në kategorinë e varfërisë energjetike. Si indikatorë tjetër, si shkak pasojë, nënkupton te varfëria e energjisë edhe rastet kur familjet nuk munden t’i përballojnë faturat e energjisë dhe ka vonesa në pagesa, diku në Evropë është rreth 7 për qind.. Është një vlerë shumë e madhe, nëse është 7 për qind në Evropë, tek ne duhet me qenë shumë më e madhe”, ka thënë Bujupi.

-Advertisement-

Ndërsa, drejtori ekzekutiv i INDEP-it, Burim Ejupi, ka deklaruar se raporti jep disa rekomandime shtesë, në mënyrë që të avokohen këto politika në të ardhmen.

“Do të jetë shtesë për të evokuar politikat për vitet që vijnë… Kjo pjesë është shumë e rëndësishme, që ka të bëjë rreth tranzicionit të gjelbër, tash kemi monitorimin e strategjisë. Si shoqëri civile kemi edhe një pozicion më të mirë që t’i nxëmë subjektet politike”, ka thënë ai. /Gazeta Infokus

Subscribe në YouTube: GAZETA INFOKUSI
Black Friday në Comodita Home: Përfito 100€ extra zbritje në dyshekë
-Advertisement-

Të tjera

Fokusi

ekonomi