Ekonomi

DhTIK kundër vendimit për KEK-un si Furnizues i Mundësisë së Fundit: “Tentim për të fshehur dështimet e liberalizimit të tregut”

Autori: Gazeta inFokus 15:16 | 12 June 2025

Dhoma e Tregtisë dhe Industrisë së Kosovës (DhTIK) ka reaguar ashpër ndaj vendimit të fundit të Bordit të Zyrës së Rregullatorit për Energji, që cakton Korporatën Energjetike të Kosovës (KEK) si Furnizues të Mundësisë së Fundit për periudhën 31 gusht 2025 – 31 janar 2026, shkruan Gazeta Infokus.

Sipas DhTIK, ky vendim është një përpjekje për të kamufluar dështimet që kanë pasuar liberalizimin e tregut të energjisë elektrike – një proces që, sipas tyre, është nisur në mënyrë të ngutshme, arbitrare dhe pa analiza të mirëfillta.

“Ky është një tentim për të fshehur pasojat e vendimeve të papërgatitura, që po godasin direkt bizneset, punëtorët dhe qytetarët. Tashmë po përballemi me pasoja konkrete – biznese që mbyllen, vende pune që humben dhe investime që pezullohen,” thuhet në reagimin zyrtar.

-Advertisement-

DhTIK rikujton qëndrimin e saj të kahershëm që liberalizimi i tregut duhet të shtyhet të paktën për një vit, në mënyrë që institucionet dhe palët e interesit të përgatiten në aspektin teknik, ekonomik dhe ligjor.

Sipas tyre, edhe Bashkimi Evropian ka ngritur shqetësime për mënyrën si po zhvillohet ky proces, duke rekomanduar një qasje graduale dhe të kujdesshme dhe duke ofruar mbështetje financiare për tranzicionin.

DhTIK apelon për rishqyrtim të menjëhershëm të vendimeve, duke kërkuar që të dëgjohet zëri i sektorit privat për të shmangur dëme të mëtejshme për ekonominë e vendit./Gazeta Infokus

Subscribe në YouTube: GAZETA INFOKUSI
ETC ndan 7 Vetura në 7 Qytete e mëdha të Kosovës
-Advertisement-

Të tjera

Fokusi

ekonomi