Ekonomi

“Kosova do të bëhet një vend i pashpresë”- Befason Lulzim Rafuna pas takimit me përfaqësuesit e bizneseve

Autori: Gazeta inFokus 18:54 | 03 June 2025

Përfaqësuesit e bizneseve të sektorit privat janë takuar sot në Odën Ekonomike të Kosovës për të diskutuar çështjen e energjisë elektrike dhe ndikimin e saj në aktivitetin e bizneseve, duke adresuar sfidat me të cilat po përballen për shkak të mungesës së komunikimit dhe transparencës institucionale, shkruan Gazeta Infokus.

Në njoftimin për media të OEK-ut, përfaqësuesit theksuan se mungesa e informimit po krijon pasiguri serioze për vendimet e ardhshme të bizneseve, ndërsa disa kompani tashmë kanë filluar të ndjejnë pasojat.

Ndërsa kryetari i Odës Ekonomike, Lulzim Rafuna, për Gazetën Infokus ka treguar a pritet të ketë protesta të tjera kundër vendimit të ZRRE-së.

-Advertisement-

“Takimi sot ishtë ta vlesojmë në bazë të gjendjës, të ketë një mënyrë graduale të dalim në tregun e lirë, a ka pas reflektim nga ana e institucioneve të vendit, jo nuk ka, bizneset kanë filluar ti ndjejnë pasojat. Nxjerrja e bizneseve në treg të lirë, ka qenë një vendim jo i studiuar, jo i vendosur në dialog me bizneset , jo në përgatitje dhe jo në mënyrë të dhunshme”, u shpreh Rafuna.

Ndryshe Rafuna vlerësoi se nëse situata vazhdon kështu,, Kosova do te behet një vend i pashprese.

“Gjdo rritje ka me shkaktu inflacion, ka me dëmtu ekonominë e vendit, zgjidhja ideale kishte me qenë me diskutu me bizneset, të përgatitet tregu, që të përgatiten furnizuesit”, tha Rafuna.