Lajme

Kërkoi përfundimin e luftës në Ukrainë, vdes në rrethana misterioze shefi i ‘Lukoil’ në Rusi

Autori: Gazeta inFokus 12:41 | 01 September 2022

Shefi i gjigantit rus të naftës ‘Lukoil’, Ravil Maganov, ndër të parët që kërkoi përfundimin e luftës në Ukrainë, ka ndërruar jetë pasi ra nga dritarja e një spitali në Moskë.

Maganov, 67 vjeç, po trajtohej në Spitalin Klinik Qendror të qytetit dhe vdiq nga plagët e marra si pasojë e rënies nga godina, raportuan mediat në Rusi.

Ai është i fundit mes një sërë drejtuesish biznesi të profilit të lartë që kanë vdekur në rrethana misterioze.

-Advertisement-

Menjëherë pasi Rusia pushtoi Ukrainën, Lukoil bëri thirrje që lufta të përfundojë.

“Ne mbështesim fuqimisht një armëpushim të qëndrueshëm dhe një zgjidhje të problemeve përmes negociatave serioze dhe diplomacisë.”- shprehej Maganov.

Ravil Maganov mori detyrën si kryetar i bordit të Lukoil dy vjet më parë. Ai filloi të punojë në kompaninë private të naftës në vitin 1993.

Në maj, një ish-menaxher i lartë në Lukoil, Alexander Subbotin, thuhet se vdiq gjithashtu në rrethana të misterioze.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera

Fokusi

lajme