Lajme

Berisha: Amerikanët dhanë garanci, Asociacioni s’do t‘jetë si Republika Serbe në Bosnje

Autori: Gazeta inFokus 19:08 | 31 January 2023

Gazetari, Ridvan Berisha, në INFO10 ka komentuar takimin e sotëm që Ambasada amerikane ka mbajtur me partitë politike dhe shoqërinë civile në Prishtinë, lidhur me krijimin e Asociacionit.

Berisha, ka thënë se kjo tregon se procesi u zhbllokua për tej kokëfortësisë së Kosovës, dhe se sot u dha garancia që Asociacioni nuk do t’i ngjajë Republikës Serbe në Bosnje e Hercegovinë.

“Procesi u zhbllokua për tej kokëfortësisë së Kosovës apo Serbisë, në rastin konkret të Kosovës, nën monitorimin e ambasadorit amerikan, procesi u zhbllokua dhe ky është lajmi i mirë. Ambasada amerikane sot shërbeu si nikoqir i rëndësishëm i garancisë për të vijuar Kosova kohezionin e saj politik në raport me detyrat ndërkombëtare që i ka marrë në marrëveshjet e saj të viti 2013 dhe 2015. Ambasadori amerikan sot pati një sqarim, dha detaje të rëndësishme duke e ripërsëritur e rikonfirmuar se SHBA-të janë këtu që të sigurohen që Asociacioni i Komunave me Shumicë Serbe nuk do t’i ngjajë një Republike Serbë si ajo në Bosnje Hercegovinë. Asociacioni do të bëhet sipas frymës kushtetuese dhe nuk ka asgjë për t’u trishtuar”, ka thënë Berisha

-Advertisement-

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera