A po shkon vendi drejt zgjedhjeve të reja?, Gërvalla: Nëse opozita thotë po, ne nuk e pengojmë këtë proces
![](https://gazetainfokus.com/wp-content/uploads/2024/05/donikagervalla-1.jpg)
Autori: Gazeta inFokus
13:23 | 25 May 2024
Zëvendëskryeministrja dhe ministrja e Punëve të Jashtme dhe Diasporës, Donika Gërvalla Schwarz, ka folur për mundësinë e mbajtjes së zgjedhjeve të parakohshme.
Në një intervistë për Zërin e Amerikës, Gërvalla ka thënë se nëse opozita në Kosovë është e mendimit që duhet të shkohet në zgjedhje të reja, nuk do ta pengojnë këtë proces.
“Tre vitet e fundit, puna e qeverisë së zgjedhur më 14 shkurt të vitit 2021, ka qenë e shoqëruar me suksese të cilat nuk janë pritur para zgjedhjes sonë nga askush. Nuk bëhet fjalë vetëm për zhvillimin ekonomik. Sundimi i ligjit, rritja e standardeve të demokracisë, por edhe sukseset e jashtëzakonshme në ngritjen e nivelit ekonomik të vendit, në punësim, në të ardhurat nga taksat, doganat etj. Këto kanë dëshmuar se kjo qeveri është e sigurt, i ka plotësuar pritshmëritë dhe madje i ka tejkaluar ato shumëfish. Megjithatë, nëse opozita në Kosovë është e mendimit që duhet të shkojmë në zgjedhje të reja dhe ka një konsensus për këtë, ne nuk do ta pengojmë këtë proces. Por, ne nuk mund të shkojmë në zgjedhje në mënyrë selektive, me partnerë selektivë nga opozita. Ne presim që opozita të jetë serioze në thirrjet e saj për zgjedhje dhe mos ta bëjë këtë vetëm nëpër media, aty ku nuk vendoset për zgjedhje të reja. Ne jemi të gatshëm kurdo që opozita të jetë e gatshme. Ne mendojmë se do të ishte më mirë që zgjedhjet të mbaheshin gjatë ditëve të gjata se sa në ditët e shkurtëra të dimrit. Megjithatë, ne jemi të gatshëm edhe që ta çojmë mandatin tonë deri në fund. Kjo do të ishte hera e parë që një qeveri e zgjedhur do ta çonte deri në fund mandatin pas pavarësimit të vendit”, ka thënë ajo.
Ndryshe, partitë opozitare në vend mbeten të ndara, sa i përket zgjedhjeve të reja.
Partia Demokratike e Kosovës pajtohet që në zgjedhje të shkohet përmes shpërndarjes së Kuvendit, por jo edhe Lidhja Demokratike e Kosovës dhe Aleanca për Ardhmërinë e Kosovës, të cilat duan fillimisht dorëheqjen e kryeministrit Albin Kurti. E, këtë opsion nuk e konsideron fare Lëvizja Vetëvendosje.
Debatin për zgjedhje të parakohshme, opozita e ka nisur tash e një kohë, duke e kritikuar Kurtin për keqqeverisje.
Në përpjekje për të arritur një konsensus, grupet parlamentare u mblodhën në fillim të kësaj jave, por pa sukses.
Ndërkohë javën e shkuar u zhvillua edhe një takim mes Kurtit dhe kryetarit të PDK-së, Memli Krasniqi.
PDK-ja vazhdimisht ka bërë thirrje që zgjedhjet të mbahen sa më parë.
Krasniqi ka njoftuar se të premten, u ka dërguar nga një letër kryetarit të Lëvizjes Vetëvendosje, Albin Kurti, kryetarit të Lidhjes Demokratike të Kosovës, Lumir Abdixhiku, si dhe kryetarit të Aleancës për Ardhmërinë e Kosovës, Ramush Haradinaj.
Në këtë letër, Krasniqi ka thënë qëndrimin e Partisë Demokratike të Kosovës për nevojën e mbajtjes së zgjedhjeve të përgjithshme të parakohshme.
“Në takimet e fundit që i kam zhvilluar me secilin lider të këtyre partive parlamentare, kam shprehur qëndrimin se zgjedhjet sot janë një domosdoshmëri qytetare dhe jo një dëshirë politike, andaj tani është koha që të veprojmë të koordinuar dhe me hapa konkret”, ka shkruar Krasniqi.
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
Madhështore: Haradinaj i bënë pritje vëllazërore presidentit Begaj në Gllogjan
Kryetari i Aleancës për Ardhmërinë e Kosovës (AAK), Ramush Haradinaj, ka prit...
-
Nuk ka mjaftueshëm mjekë, për të ndihmuar pelegrinët nga nxehtësia
Nuk kishte mjaftueshëm mjekë apo lehtësira bazë për të mbrojtur pelegrinët e ...
-
Java e ardhshme në Kosovë e nxehtë, nuk mungojnë as reshjet e shiut
Në Kosovë, java që po vjen pritet të jetë me mot të nxehtë, me temperatura që...
-
Familja më e pasur në Mbretërinë e Bashkuar dënohet për shfrytëzim të shërbyesve
Katër anëtarë të familjes më të pasur të Britanisë së Madhe , me origjinë ind...
-
Ahmeti: Kurti po prish raportet me aleatët të ndërtuara me mund përgjatë viteve, polarizimi – karta e tij e vetme
Sekretari i Përgjithshëm i Lidhjes Demokratike, Imri Ahmeti, ka shprehur habi...
-
Vd*iq në aksident me motoçikletë, reagon shkolla: Adonisi nuk priti që të bëhet maturant
IndeksOnline raportojë mbrëmë për një ngjarje shumë të rëndë që ndodhi në qyt...
-
Ky është 17-vjeçari që vdiq në aksidentin me motoçikletë në Rahovec
Gazeta mbrëmë raportojë për një aksident me fatalitet që ka tronditur Rahovec...
-
Clark: LDK ishte arsyeja pse pati sukses intervenimi i NATO-s në Kosovë
Ish-gjenerali i NATO-s, Wesley Clark, është takuar sot me kryetarin e Lidhjes...
-
FSK-ja zhvillon me sukses ushtrimin për testimin e kapaciteteve të komunikimit
Në kuadër të testimit të gatishmërisë operacionale, me urdhër të Komandantit ...
-
Clark sot në Kosovë, kjo është arsyeja
Gjenerali amerikan në pension, Wesley Clark, do të vizitojë sot Kosovën...
-
Presidenti Begaj vjen në Kosovë për një vizitë dyditore
Presidenti i Republikës Bajram Begaj nisi sot një vizitë dyditore në Kosovë. ...
-
Kina dhe Franca nisin misionin për të kuptuar më mirë gjithësinë
Një satelit i Francës dhe Kinës është lëshuar të shtunën drejt hapësirës, për...