Fokus

Përfundon bastisja, Artan Qerkini tregon a është Sylejman Selimi i dyshuari i radhës i Speciales

Autori: Gazeta inFokus 11:47 | 07 March 2024

Tashmë ka përfunduar bastisja me urdhër të Dhomave të Specializuara në shtëpinë e ish komandantit të UÇK-së në zonën e Drenicës, Sylejman Selimit.

Avokati i tij, Artan Qerkini ka treguar para mediave se Sylejamni nuk është bastisur në cilësinë e të dyshuarit mirëpo sipas Speciales mund të ketë pasur në shtëpinë e tij prova që ndërlidhen me gjykimet aktuale ndaj ish krerëve të UÇK-së që gjenden në paraburgim në Hagë.

Artan Qerkini basitisjen e sotme e quan të kundërligjshme dhe thyerje të privatësisë, shkruan Gazeta Infokus.

-Advertisement-

“Fillimsht vlen të theksohet se ai nuk e ka statusin e personit të dyshuar mirëpo sipas Gjykatës mendohet se në shtëpinë e tij mund të ketë pasur prova të cilat ndërlidhen me procedimet penale për implikim të drejtësisë. Ne i kemi disa vërejtje edhe vetë, mendojmë se vendimi nuk është lëshuar në përputhje me dispozitat ligjore dhe kjo cenon edhe disa të drejta kushtetuese sepse nuk mund të cenohet privtaësia e një personi”, ka thënë ai.

Kujtojmë se u raportua që po bastiset edhe shtëpia e Hajredin Kucit i cili ka mohuar një gjë të tillë dhe ka thënë se aksioni lidhet me punën e tij në Speciale në kuadër të ekipit mbrojtës të njërit prej të akuzuarve./Gazeta Infokus/

LAJMI I FUNDIT: Vëllai i Sylejman Selimit jep detajet e fundit të bastisjes nga vendi i ngjarjes

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

fokus