Këtë javë në emisionin e shëndetësisë “Doktor Plus” me Betim Morina, prodhim i Gazetës Infokus, është diskutuar për sulmin në zemër dhe trajtimin me stenta.

Për të dhënë më shumë informacione rreth kësaj teme në intervistën kryesore ishte i ftuar Dr. Artan Ahmeti, kardiolog dhe internist në Qendrën Klinike Universitare të Kosovës dhe Poliklinikën “Cardio Plus“

Në këtë intervistë, Ahmeti ka thënë deri të mbyllja e damarit të zemrës ndikojnë shumë faktorë, siç është duhan pirja, hipertensioni e sëmundja e sheqerit.

-Advertisement-

“Për me ardhë deri te mbyllja e damarit të zemrës, ekziston një proces i komplikuar ku faktor kryesor është grumbullimi i yndyrës në arteriet e zemrës, pastaj çarja e pllakës aterosklerotike që ne i themi dhe pastaj mbyllja e damarëve të zemrës. Deri te grumbullimi i kësaj arterie koronare ndikojnë shumë faktorë. Një ndër ta është stili i jetës, pra njerëzit të cilët bëjnë një stil të jetës pa  aktivitet fizik, duhan pirja, sëmundje të ndryshme të cilat i kanë pacientët, siç është hipertensioni ose tensioni i lartë i gjakut, sëmundja e sheqerit, rritja e yndyrës në gjak“, ka thënë kardiologu.

Ahmeti gjithashtu thotë se sëmundjet e ngjashme mund të jetë të trashëguara nga familjarët të cilët kanë pasur probleme sëmundjet e artereve koronare.

“Gjithashtu faktorët familjarë, pra në qoftë se në familje ka anëtarë me sëmundje të ngjashme edhe stresi, këta persona kanë gjasa të mëdha të sëmuren nga sëmundjet e artereve koronare, këta pacientë duhet të jenë shumë të kujdesshëm, kurse përndryshe edhe një preson tjetër i cili nuk e ka asnjë nga këto sëmundje dhe s’ka qenë kurrë te mjeku për asnjë problem, nuk ka garancion që ai nuk do të jetë i sëmurë nga sëmundjet e zemrës“, ka deklaruar ai në Doktor Plus.

Ndiqeni emisionin e plotë:

Kujtojmë se Doktor Plus këtë sezonë ka filluar një mision të ri për të ndihmuar ata që kanë nevojë.

Bashkë me sponsorët, miqtë tanë doktorë dhe specialist të shëndetësisë e me disa klinika private do të ofrojmë një numër të madh të trajtimeve falas për qytetarët.

Vlen të theksohet se prioritet të veçantë në ofrimin e shërbimeve falas do të kenë:

Familjet me asistencë sociale;

Familjarët e dëshmorëve dhe veteranët;

Fëmijët pa përkujdesje prindërore;

Të moshuarit që nuk kanë përkujdesje familjare;./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-