Fokus

“Jam tu prit që 4 orë në kam, e ma kanë hup CD-në”, pacientja e dëshpëruar rrëfen përvojën e keqe në QKUK

Autori: Samire Jaha 10:03 | 19 Qershor 2023

Pacientët të cilët kërkojnë shërbime në Qendrën Klinike Universitare të Kosovës, po vazhdojnë të përballen me pritje të gjata në korridoret e klinikave, shkruan Gazeta Infokus.

Njësoj është duke pritur edhe një paciente në Klinikën e Radiologjisë për marrjen CD-së, por jo për shkak të listës së gjatë.

Ajo për Infokus ka treguar se ka katër orë që po pret në këmbë në këtë Klinikë për shkak se stafi i ka ngatërruar ose i ka humbur CD-në pra incizimin që i është bërë asaj e që i duhet urgjentisht për të parë rezultatin e për të vazhduar trajtimin.

-Advertisement-

Derisa origjinalin e CD-së nuk po e gjenin askund nga doktorët asaj i është ofruar një kopje për të cilën ajo është shprehur e shqetësuar nëse do ti pranohet nga doktorët për ti shikuar rezultatin.

“Jam tu prit prej 8ve gati qe 4 or për ni cd, bile qitu n’kam jom tu prit se kom probleme me shpin, e ma kanë hup që 3 javë edhe jom tu prit veq kopjen me e marr se origjinalin se kanë hiq edhe po pritojnë me i lyp, dy incizime i kom në qatë CD edhe po tutna që mjekët s’kanë me mi pranu kopjet hiq”, tha për Infokus pacientja e cila dëshironte të mbetej anonim.

Ndërkaq ajo tregoi se sociali që merr nga komuna nuk i dalin as për ilaqe.

“Jam tu prit me marr qat CD edhe veç për një nënshkrim se tani shkojnë mjekët në pushime edhe m’bjen me prit me muaj, plus jam me social po udhëtoj s’po më dalin paret, bile as për ilaqe, një muaj dit ma kanë ndal komuna po tani shyqyr ma lëshuan apet”, tha tutje pacientja.

Kujtojmë që ka pacientë të QKUK-së, që janë në lista të pritjes që nga viti 2018./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy