Kryeministri i Kosovës, Albin Kurti të enjten ka folur lidhur me arrestimi i e kryeshefit të Korporatës Energjetike të Kosovës, Nagip Krasniqi, ku tha se në të kaluarën prokuroria nuk i ka hetuar keqpërdorimet që janë bërë në KEK.

Gjithashtu, i pari i Qeverisë para deputetëve të Kuvendit të Kosovës u shpreh i bindur se në prokurori ekziston një disponim politik negativ karshi qeverisë së tij.

LEXO EDHE: Kurti: Në KEK ka pasur keqpërdorime edhe në të kaluarën, por nuk janë trajtuar nga prokuroria

-Advertisement-

Këto deklarata të Kurtit lidhur me arrestimin e Krasniqit dhe ndaj prokurorisë, po i quan të papranueshme, avokati Yll Zekaj,

Në një prononcim për Gazetën Infokus, Zekaj ka thënë deklarata e Kurtit dhe deputetëve të tjerë për arrestimin në KEK, është ndikim i drejtpërdrejtë i ekzekutivit dhe legjislativit në sistemin e drejtësisë.

“Sa i përket deklaratave të kryeministrit Kurti po edhe të deputetëve të tjerë gjatë ditës së djeshme për arrestimin e personave në KEK, kjo në një shoqëri demokratike është plotësisht e papranueshme, është inteferim i drejtpërdrejtë i ekzekutivit, përkatësisht i legjislativit në sistemin e drejtësisë dhe kjo nuk lejohet dhe kjo nuk lejohet në Kushtetutën e Republikës së Kosovës”, ka thënë Zekaj.

Gjithashtu, ai thotë se çdo tendencë për të komentuar vendimet apo veprimet e organeve të drejtësisë është drejtpërdrejtë ndikim në këto organe dhe sipas Zekajt kjo nuk do të mbetet pa u verifikuar nga raportet për sistemin e drejtësisë.

LEXO EDHE: Kryeshefi i KEK-ut gjatë arrestimit kërkoi të dërgohej në QKUK, Syla: Nuk është trajtuar tek ne

Ndërkaq, për arrestimet e djeshme në KEK, Zekaj thotë se gjykatat dhe prokuroria duhet ta kryej punën e vet në mënyrë profesionale, pa ndikime nga jashtë.

“Lidhur me arrestimet e djeshme, ekziston prezumimi i pafajësisë për të gjithë të arrestuarit deri sa të kemi një vendim të plotfuqishëm nga ana gjykatës, kurse gjykatat dhe prokuroria duhet që pa interferimet nga jashtë ta kryej punën e vet në mënyrë profesionale me qëllim që në fund të kemi një vendim të gjykatës për fajësinë apo pafajësinë e personave të arrestuar”, ka thënë avokati Zekaj për Infokus.

Prokuroria Speciale të mërkurën ka konfirmuar arrestimin e kryeshefit të KEK-ut, Nagip Krasniqi, i cili dyshohet për veprat penale “Keqpërdorimi i pozitës apo autoritetit zyrtar”, “Ushtrim i ndikimit” dhe “Konflikt interesi”.

Ndërkaq të enjten kjo prokurori ka njoftuar se ka bërë kërkesën për caktimin e paraburgimit pranë Gjykatës Themelore në Prishtinë – Departamenti Special, ndaj Krasniqit./Gazeta Infokus/

LAJMI I FUNDIT: Përfundon bastisja në KEK, shoqërohen në polici, Nagip Krasniqi dhe Rizah Dembogaj

LAJMI I FUNDIT: Përfundon bastisja në KEK, shoqërohen në polici, Nagip Krasniqi dhe Rizah Dembogaj

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-