Fokus

Ashpërsimi i masave për pirjen e duhanit në vende publike, kaq gjoba u shqiptuan deri më tani

Autori: Elvira Haxhiu 21:33 | 21 Mars 2023

Që nga java e kaluar prej kur ka filluar ashpërsimi i masave kundër pirjes së duhanit në vende publike, Agjencia e Ushqimit dhe Veterinës ka shqiptuar rreth 150 gjoba.

Këtë për Gazetën Infokus e ka konfirmuar Lamir Thaçi, zëdhënës i Agjencisë së Ushqimit dhe Veterinës, i cili tha se nga dita e enjte e javës që lamë pas janë bërë rreth 500 inspektime.

“Nga dita e enjte janë bërë rreth 500 inspektime ku në rreth 150 prej tyre janë shqiptuar masa sanksionuese të përcaktuara me ligj”, ka thënë Thaçi.

-Advertisement-

Gjithashtu ai ka thënë se ka ngritje të nivelit të respektimit të Ligjit për Kontrollin e Duhanit.

“Agjencia e Ushqimit dhe Veterinarisë është duke vazhduar punën në mbikëqyrje të zbatimit të Ligjit të Duhanit. Ekipet inspektuese në kontrollet sipas lanit po vazhdojnë ta kenë ne prioritet edhe respektimin e rregullit “Pa Tym” në hapësirat e mbyllura të përcaktuar me Ligj”, tha zëdhënësi i AUV-it për Infokus.

Kujtojmë se para disa ditësh, ministri i Bujqësisë, Pylltarisë dhe Zhvillimit Rural, Faton Peci ka thënë se do të ketë zero tolerancë ndaj duhanit në ambiente të mbyllura dhe në hapësira publike.

“Nga sot, zero tolerancë ndaj duhanit në ambiente të mbyllura, hapësira publike, të punës, në hapësira të transportit publik dhe në çdo hapësirë tjetër që përcaktohet me Ligjin Nr. 04/L-156 për Kontrollin e Duhanit”, ka thënë Peci.

Ligji për Kontrollin e Duhanit parasheh se dënimi për shkelësin fizik ose qytetarin është 50 euro, për përgjegjësin e hapësirës 500 euro dhe personin juridik apo për subjektin afarist kjo vlerë arrin në 3 mijë euro./Gazeta Infokus/

AUV të enjten gjobiti 120 shkelës të Ligjit për Kontrollin e Duhanit, ndërkaq gjatë tërë vitit 2022 ishin shqiptuar vetëm 100

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy