A do të ketë rritje të çmimit të energjisë? A po manipulon ZRRE-ja apo shefja e GP të LVV-së?
Autori: Gazeta inFokus 16:21 | 08 February 2023
Zyra e Rregullatorit për Energji (ZRrE), të martën ka paralajmëruar shqyrtim të jashtëzakonshëm të tarifave të energjisë elektrike për vitin 2023. Kryetari i Bordit të ZRrE-së, Ymer Fejzullahu, para Komisionit parlamentar për ekonomi të martën, tha se janë plotësuar të gjitha kushtet ligjore për këtë shqyrtim të tarifave. Mirëpo, ai nuk dha detaje se sa mund të shtrenjtohet energjia elektrike.
E këtë kërkesë të ZRrE-së e ka komentuar shefja e grupit parlamentar të partisë në pushtet, Mimoza Kusari Lila, e cila ka thënë se kërkesa të tilla për rritje të çmimit të energjisë janë bërë edhe më herët mirëpo që nuk ka ndodhur për shkak se qeveria ka intervenuar me subvencione.
“Përderisa kërkesa mund të kenë operatorët, dhe gjithë ata që janë pjesë e sektorit të energjisë dhe pastaj varet nga vendimi i ZRrE dhe nga veprimet e qeverisë. Ne kemi pasur kërkesë të tillë edhe më herët megjithatë ka intervenuar Qeveria me subvencion. Mbi 208 mijë familje janë përfitues jo vetëm të subvencionit përmes qeverisë që ka pagur por tash drejtpërdrejt ne gjepin e qytetarëve tashme ka zbritje të faturave tek ata që kursejnë dhe subvencionohen. Është shumë e rëndësishme që në këtë proces të kemi komunikimin e rregullt të kemi gjitha akterët në këtë sektor në kryerje të detyrës. Edhe ne dje kemi kërkuar llogari nga ZRrE mbi borxhet në sektor që janë në mesë të operatorëve”, tha ajo.”, ka thënë Kusari Lila në një intervistë për Ekonomia Online.
Mirëpo Gazeta Infokus ka raportuar qysh nga viti i kaluar se në fillim të vitit 2023 pritet të ketë rritje të çmimit të energjisë e arsyeja kryesore për këtë është pikërisht vonesa e subvencioneve nga ana e qeverisë.
LEXO EDHE: EKSKLUZIVE: Vonesa e subvencioneve të qeverisë, pritet rritje e çmimit të energjisë në vitin 2023
Gazeta Infokus me 26 dhjetor kishte siguruar dokumentin përmes të cilit kreu i Zyrës së Rregullatorit të Energjisë, Ymer Fejzullahu u drejtohej zyrtarisht, ministres së Ekonmisë, Artane Rizvanollit, kryetarit të Komisionit parlamentar për zhvillim ekonomik, tregti dhe industri, Ferat Shalës dhe drejtorit të përgjithshëm të Kompanisë Kosovare për Furnizim me Energji Elektrike (KESCO), që është i pashmangshëm rishikimi i tarifave të energjisë elektrike.
E arsye në këtë dokument përmendej pikërisht vonesa e subvencionimit nga ana e qeverisë, gjë të cilën deputetja e LVV-së, Kusari Lila po e konsideron si arsye pse nuk është rritur çmimi i energjisë ani pse sipas saj ka pasur kërkesë të vazhdueshme.
Në këtë dokument drejtuar KESCO-s, kryesuesi i bordit të ZRRE-së, Ymer Fejzullahu, njofton KESCO-n për tejkalim të pragut të materialitetit si pasojë e vonesës së rimbursimit të mjeteve nga ana e qeverisë dhe ekspozimit ndaj çmimeve të larta që sipas tij hap rrugën për shqyrtimin e jashtëzakonshëm të kërkuar nga operatorët energjetikë.
Në këtë dokument theksohet se në rast që për FSHU-në, nuk reflektohen kostot e parapara, atëherë ZRRE-ja do të miratojë shqyrtimin e jashtëzakonshëm të tarifave për konsumatorët që gëzojnë të drejtën e shërbimit universal.
Po ashtu kreu i ZRRE-së ka kërkuar nga operatorët energjetikë në vend që deri me 28 dhjetor ti dërgojnë atyre një raport të ndikimit financiar duke përfshirë të gjitha aspektet dhe po ashtu edhe të hyrat nga subvencioni ne kostot me shumicë.
Çfarë thotë vendimi i qeverisë për subvencionimin e FSHU-së?
Me 24 gusht, qeveria e Kosovës, kishte vendosur obligime shtesë për Furnizuesin e Shërbimit Publik dhe po ashtu kishte paraparë ndarjen e një buxheti në formë subvencioni nga Ministria e Ekonomisë në mënyrë që të përballohet kriza me energjinë dhe të mos reflektoje në rritjen e tarifave apo çmimit të energjisë në vend.
Mirëpo nga vera ministria e Ekonomisë nuk ka përmbushur pjesën e saj në kuadër të këtij vendimi të qeverisë për subvencionet dhe nuk i ka kryer ato me kohë.
Pika b e nenit 2 të këtij vendimi thekson se FSHU të përdorë fondet e “Qeverise së Republikës së Kosovës të dedikuara për llogaritë individuale të konsumatorëve fundorë që gëzojnë të drejtën e furnizimit universal në formë të subvencionit, të cilat parandaluan rritjen e ndjeshme të tarifave dhe mundësuan tarifa më të ulëta, siç është përcaktuar me Vendimin e ZRrE-së V_1486_2022 të datës 07.02.2022 dhe V_1489_ 2022 të datës 08.02.2022, vetëm për dhe në emër të konsumatorëve fundor që gëzojnë të drejtën e furnizimit universal, për të zbutur ndikimin e tarifave të energjisë elektrike tek qytetaret.”
Ndërsa sot në mbledhjen e qeverisë së Kosovës, Ministria e Financave ka ndarë 720 mijë euro nga Pakoja e Ringjalljes Ekonomike për Ministrinë e Ekonomisë, në mënyrë që të subvencionohen faturat e energjisë elektrike të qytetarëve për muajin janar./Gazeta Infokus/
Të tjera
-
Vazhdon dëshminë dëshmitari i 65-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Arrestohet Agron Gashi, i dyshuari për plag*osjen e trefishtë në Pejë
Është arrestuar 21 vjeçari, Agron Gashi i dyshuar për plagosjen e trefishtë m...
-
Stërvitje ushtarake rreth ishullit të Taivanit
Komanda e Teatrit Lindor të Ushtrisë Çlirimtare Popullore Kineze filloi stërv...
-
Nën kundërshtimin e fortë serb, OKB-ja do të votojë për përkujtimin e gjen*ocidit të Srebrenicës
Asambleja e Përgjithshme e Kombeve të Bashkuara pritet të votojë të enjten pë...
-
A u zhdukën vijat e kuqe mes LVV-së dhe PDK- së, Xhavit Haliti flet për mundësinë e koalicionit mes këtyre dy partive
Për një koalicion të mundshëm PDK-VV, po diskutohet që do të ndodhë pas takim...
-
Haxhiu del me reagim pas votimit të marrëveshjes për burgjet me Danimarkën
Ministrja e Drejtësisë, Albulena Haxhiu i ka falënderuar deputetët për votimi...
-
Deputetët e PDK-së “godasin” Mefail Bajqinovcin pasi tha se nuk kanë nevojë për koalicion “i fitojmë vetë 50%”
“E dinë mirë Bajqinovci që me qeverisje të keqe me qeverisje që e rrezikon sh...
-
“Zgjedhje të parakohshme”, a do të vendoset sot për fatin e qeverisë Kurti?
Pothuajse 1 orë me vonesë filloi përsëri seanca e së enjtes e paralajmëruar n...
-
Pas zvarritjes disa mujore, ratifikohen edhe marrëveshja me Danimarkën për burgjet dhe ajo me Fondin e OPEC’ut
Kuvendi i Kosovës ka arritur t’i miratojë më në fund edhe Marrëveshjen me Dan...
-
Kurti: Armatimi i madh i Serbisë tregon që synon eskalimin
Kryeministri i Kosovës, Albin Kurti po qëndron në Mbretërinë e Bashkuar, ku p...
-
Bekë Berisha tregon se kush do të jetë kryeministri i ardhshëm i Kosovës
Deputeti nga radhët e Aleancës për Ardhmërinë e Kosovës, Bekë Berisha, në një...
-
Kurti në Londër flet për “rolin kritik të NATO-s” dhe “kërcénïmin akut” që autokratët paraqesin për sigurinë e Kosovës
Kryeministri i Kosovës, Albin Kurti, në Konferencën e Mbrojtjes në Londër, ku...