Kryetari i Lidhjes Demokratike të Kosovës, Lumir Abdixhiku, ka investuar një shumë marramendëse prej mbi 47,000 euro për sponzorizime në Facebook ende pa filluar fushata elektorale zyrtarisht.

Çdo postim në profilin e tij personal në Facebook dhe çdo postim të faqes së LDK-së është i sponzorizuar. Madje, shumat shkojnë nga 1,000, 2,000 deri në 3,000 euro për vetëm një postim. Kështu rezulton bazuar në një analizë që ka vazhduar ta bëjë gazetari Shkelzen Dakaj, i cili ka publikuar edhe faktet ku shihen këto sponzorizime.

-Advertisement-

“Kjo është ‘Rruga e re’ e Lumir Abdixhikut për të rrëzuar Albin Kurtin nga pushteti. 47,100.00 euro i ka sponzorizuar deri tani për postime vetëm në Facebook, Lumir Abdixhiku. 32,900.00 euro janë shpenzimet që i ka bërë në profilin e LDK-së (shikoni fotot). 14,200.00 euro, siç e keni parë dje, ishin shpenzimet për postimet në profilin e tij personal,” ka shkruar Dakaj në profilin e tij në Facebook.

Sipas tij, në profilin personal të Lumir Abdixhikut, shumat e sponzorizimeve për një postim ishin më të lartat 1,000 euro, kurse nga profili i LDK-së janë lëshuar dorën me nga 2,000 dhe 3,000 euro boosta, u shpreh Dakaj në statusin e tij në Facebook.

Dakaj gjithashtu thekson se shpenzimet e jashtëzakonshme të Lumir Abdixhikut për sponzorimet në Facebook, që arrijnë në 47,000 euro, janë të barabarta me 392 muaj pension, ose 33 vite pension për një të moshuar në Kosovë.

“Nëse ju duket kjo shumë e vogël, po ju jap edhe një fakt tjetër. Gjithsej, gjatë kësaj periudhe, shpenzimet në Facebook në Kosovë, përfshirë bizneset, partitë e tjera, mediat dhe ndonjë deputet, janë 115,403 euro. Kurse vetëm Lumiri i LDK-së e ka mbushur arkën e Mark Zuckerbergut me 47,100 euro. Kjo shumë që Lumiri e ka shpenzuar në Facebook është e barabartë me 392 muaj e gjysmë pensione që i merr një i moshuar në Kosovë. Ose e barabartë me 33 vite pension të një të moshuari. Ose edhe më thjesht, një pensionist duhet të ketë ymer e të jetojë 98 vjet për të marrë kaq para sa i ka shpenzuar Lumiri Abdixhiku për dy muaj në Facebook.”/GazetaInfokus

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-