Fokus

“Politika e jashtme dështimi më i madh i qeverisë” – Enver Hoxhaj në “Podcast me Shkëlzen Dakaj”

Autori: Gazeta inFokus 14:03 | 04 January 2025

Ish-ministri i Punëve të Jashtme, Enver Hoxhaj, është i ftuar këtë javë në emisionin “Podcast me Shkëlzen Dakaj”, ku ka shprehur kritika të ashpra ndaj qeverisë Kurti.

Hoxhaj ka vlerësuar se gjatë katër viteve të saj në pushtet, qeveria aktuale nuk ka arritur asnjë sukses të rëndësishëm, veçanërisht në fushën e politikës së jashtme.

Në intervistë, Hoxhaj ka theksuar se politika e jashtme është një nga fushat kryesore ku qeveria ka dështuar.

-Advertisement-

“Kosova që dy vjet ka aplikuar për ta marrë statusin e kandidatit, askush nuk e merr parasysh kërkesën e Kosovës. Dështuam në Këshill të Evropës dhe mendoj që zonja Gërvalla ka qenë njeriu i gabuar, në postin e gabuar dhe në kohën më të gabuar. Prandaj, edhe dëmi është i madh”, ka deklaruar Hoxhaj.

Ish-kryediplomati Hoxhaj me bindje të plotë ka deklaruar se nëse PDK do të ishte në pushtet, vendit do t’i siguroheshin pesë deri në shtate njohje çdo vit.

“Kur ne po bisedojmë sot, pas ndryshimit të madh politik dhe gjeopolitik që ka ndodhur në Siri dhe në Lindje të Mesme, unë jam i sigurt që cdo qeveri e Kosovës do ta merrte njohjen. Unë gjatë këtyre tri katër javëve të fundit nuk do të qëndroja në Prishtinë, por do të qëndroja në Damask, në Ankara, do të qëndroja në vendet e tjera përreth Sirisë, për ta marrë jo vetëm njohjen e Sirisë, por edhe njohjen e Libanit, për ta marrë edhe njohjen e Irakut. Prandaj, edhe politika e jashtme është njëra prej dështimeve. Asnjëherë nuk e kanë kuptuar se si ushtrohet politika e jashtme e Kosovës. Asnjëherë nuk e kanë ditë që kur ka situatë të favorshme ndërkombëtare mund të ketë rezultate konkrete”, ka shtuar Hoxhaj.

Emisionin “Podcast me Shkëlzen Dakaj” mund ta ndiqni sonte në ora 22:30 në televizionin Kanal 10, si dhe në platformat onlinë të Gazetës Infokus.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

fokus