Fokus

Rrëfimi i jashtëzakonshëm i Infektologut i cili kontriboi në luftën e Kosovës dhe ndihmoi me mijëra njerëz

Autori: Gazeta inFokus 13:42 | 08 January 2025

Në emisionin DoktorPlus me Arjeta Osmanin sonte i ftuar është doktor Infektolog Haxhi Ibishi, ku është diskutuar për historinë e tij kur ka qenë ushtar në luftën e Kosovës, kontributin e tij të jashtëzakonshëm duke u dal në ndihmë njerëzve dhe poashtu për zhvillimet aktuale në shëndetësi.

Ibishi gjatë emisionit tregoi për rastin më të vecantë që kishte ndihmuar gjatë luftës në Kosovë.

“Me urdhër të Komandantit Ramush Haradinaj, une kam qenë i angazhuar në ambulantën e Kishës  Katolike aty në fshat në Gllogjan së bashku me një motër të nderuar, dhe gjatë punës që kemi bërë ne gjatë ditës së dytë, ka qenë 28 mars që jam paraqit te Ramushi, ushtarët e Ushtrisë Clirimtare të Kosovës e kanë sjellë një fëmijë 7-8 vjecare, me emrin Dafina, që më vonë e kemi ditur emrin e saj, unë e kam bërë vizitën e asaj vajze dhe ajo ka pas probleme shëndetësore.”

-Advertisement-

Ai poashtu tregoi se ka qenë njëra ndër rastet më të prekshme prej luftës së fundit, dhe që ka qenë për obligim shtesë të i ndihmojë popullit në ato momente.

“Duke mos ja ditur emrin në fillim i vendosim emrin Pashkë për arsye se vishin Pashkët si festë Katolike, festë e popullit tonë në atë zonë dhe ajo vajzë ka qëndruar deri në çlirim, ku mbas çlirimit ja kemi kthyer familjes në një rrethinë, në një fshat të Drenicës dhe fatëkeqësisht ajo vajzë sot nuk jeton, për arsye se natyra e jetës e zhvillimeve dhe sëmundjet e shoqëruara. Kemi qenë në ngushëllime të familjes edhe unë mbaj si një prej rasteve më të prekshmë prej luftës së fundit krahas prej atyre që kanë qenë edhe kafshimet të gjarpërit dhe plagëve të shkaktuara prej minave dhe plumbave, dhe ka qenë pjesë e angazhimit tim, qe ka qenë obligim shtesë me ju gjetë populli tonë në ato momente.”, ka thënë Ibishi në emisionin DoktorPlus prodhim i Gazetës Infokus.

Ndërkaq ai ka theksuar se çka e ka shtyrë për të kandiduar për në parlament është edhe një motiv shtesë, që njerëzit të cilët kanë krijuar përvojë politike e kanë për obligim mi bartë te brezat e ri.

Për të parë më shumë, sonte nga ora 20:00 mund të ndiqni emisionin e plotë.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

fokus