Fokus

Këto janë shpenzimet e Rozeta Hajdarit dhe kabinetit të saj në dreka, darka, udhëtime zyrtare për dy vitet e fundit

Autori: Gazeta inFokus 16:49 | 08 January 2025

Rozeta Hajdari, ministrja e Industrisë, Ndërmarrësisë dhe Tregtisë së bashku me kabinetin e saj ka shpenzuar mbi 113 mijë euro nga buxheti i shtetit, në udhëtime zyrtare, bileta, akomodime, ushqim e mëditje.

Kjo sipas të dhënave që Gazeta Infokus ka siguruar nga zyra për informim e ministrisë që udhëhiqet nga ministrja Hajdari. Këto shpenzime janë bërë në dy vitet e fundit, pra në vitin 2023 dhe 2024, shkruan Gazeta Infokus.

 

-Advertisement-

Mbi 60 mijë euro shpenzime në vitin 2024, këto janë detajet

Në vitin që lamë pas, ministrja Hajdari së bashku me kabinetin e saj ka shpeznuar 60 mijë e 133 euro.

Shpenzimet të mëdha u bënë në bileta udhëtimi që kap shifrën 15 mijë e 772 euro.

Ushqimi dhe mëditjet e ministres dhe kabinetit buxhetit të shtetit për periudhën janar – dhjetor i kushtuan 12, 685 euro.

Ndërsa në akomodim u shpenzuan 13 mijë e 893 euro, e në bileta.

Një tjetër kategori që ministria e ka quajtur “shpenzimet e përfaqësimit” kap vlerën 16 mijë e 628 euro.

Ndërsa në “shpenzime të tjera” janë hargjuar vetëm 1 mijë e 67 euro.

 

Shpenzimet e ministres Hajdari në vitin 2023

53 mijë e 63 euro ka shepnzuar ministrja e Kurtit së bashku me kabinetin e saj në periudhën janar –dhjetor, 2023.

Për vitin 2023, kategoria e shpenzimeve “të përfaqësimit” zë vendin e parë me 12 mijë e 919 euro.

Ndërsa 12 mijë e 339 euro janë shpenzuar për bileta udhëtimi e 9 mijë e 634 euro në “Shpenzimet e përfaqësimit për delegacione, punëtori për Strategji të Turizmit”.

Në ushqim dhe mëditje janë shpenzuar 8 mijë e 712 euro, e në akomodime 8 mijë e 583 euro.

Kategoria “shpenzime të tjera” ka të regjistruara 1 mijë e 67 euro të shpenzuara./Gazeta Infokus

 

 

 

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

fokus