Kupa e Botës 2022

Stojkoviq: Serbia gati për fitore, djathit zviceran do t’ia gjejmë vrimat e dobëta

Autori: Gazeta inFokus 13:08 | 02 December 2022

Trajneri i Serbisë, Dragan Stjkoviq Piksi ka thënë se kombëtarja e tij është gati për ta fituar ballafaqimin ndaj Zvicrës, në mënyrë që të kalojë në fazën tjetër të Kupës së Botës.

Teksa foli në një konferencë shtypi, ish lojtari i Crvena Zvezdës nga Beogradi bëri njëfarë krahasimi interesant se si ekipi i tij duhet ta mposht atë të Murat Yakinit. Referencë ishte një prodhim ikonik i Zvicrës – djathi.

“Neve na pëlqen të flasim për djathin e tyre dhe t’i gjejmë pikat e tyre të dobëta – vrimat – për të arritur një rezultat të mirë”, tha Stojkoviq para ndeshjes, përcjellë klankosova.tv. “Ne jemi në dijeni se ndeshja me Zvicrën do të jetë e një rëndësie të madhe, duke e ditur se jemi të fundit në grup dhe ky është një fakt që duhet ta pranojmë. Në këtë kupë botë pati shumë befasi, por ne do të jemi gati”.

-Advertisement-

Serbia ka vetëm 1 pikë dhe ruan pozitën e fundit në grupin C, ndërsa Zvicra është e dyta, me 3 poena. Të parës i duhet vetëm fitorja për të ecur para (edhe kjo nësë Kameruni nuk befason duke e mposhtur Brazilin, po sonte), ndërsas Zvicrës i bën punë edhe barazimi.

“Kur është hedhur shorti për Kupën e Botës e kemi ditur se Brazili është në një dimension tërësisht tjetër dhe se ne duhet të luftojmë për vendin e dytë me Kamerunin dhe Zvicrën.

Ndeshja me këtë të fundit zhvillohet sonte nga ora 20, në stadiumin 974 dhe ajo pritet të jetë e tensionuar, për shkak të një historie që u ndodhi dy ekipeve në takimin e tyre të fundit, në Kupën e Botës Russia 2018, që pati përfunduar me fitoren e Zvcrës 2 me 1. Në atë lojë, dy lojtarë shqiptarë të Zvicrës, Granit Xhaka dhe Xherdan Shaqiri patën shënuar për helvetikët. Njëri dhe tjetri bënë shqiponjën, pasi i dhanë golat dhe kjo u pa si një provokim për serbët.