Fokus

A do të ashpërsohen masat anti-Covid pas shifrave alarmante, flasin nga MSH-ja

Autori: Elvira Haxhiu 16:08 | 18 Janar 2022

Ditëve të fundit numri i të infektuarve me COVID-19 në Kosovë, ka kaluar në shifra alarmante, shkruan Gazeta Infokus.

Aktualisht në Kosovë janë 5 mijë e 678 raste aktive me COVID -19. Vetëm të martën janë infektuar 720 persona, ndërkaq një person ka humbur jetën nga ky virus. Derisa ende nuk dihet nëse do të merren masa të reja si pasojë e rritjes së rasteve pozitive.

Nga Ministria e Shëndetësisë për Gazetën Infokus kanë thënë se mekanizmat anti-Covid janë duke e trajtuar rregullisht situatën epidemiologjike, për të parë nëse ka nevojë për të vendosur masa shtesë apo të fuqizohen përmes mbikëqyrjes më të fortë masat në fuqi.

-Advertisement-

“Deri në çfarëdo mase tjetër, është me rëndësi të zbatohen këto që janë në fuqi dhe popullata të vaksinohet”, thuhet në përgjigjen e MSH-së.

Gjithashtu nga kjo ministri bëjnë me dije se kapacitetet spitalore janë të gatshme për të përballuar ndonjë fluks më të madh të rasteve që kërkojnë tretman klinik.

“Vaksina janë siguruar për të gjithë, kapacitetet spitalore janë të gatshme për të përballuar ndonjë fluks më të madh të rasteve që kërkojnë tretman klinik, çdo ditë gjurmohen dhe testohen mijëra qytetarë dhe zhvillohen aktivitete në zbatim të vendimeve që lidhen me COVID-19”, kanë thënë nga dikasteri i Shëndetësisë.

Ndërkaq, nga Ministria e Shëndetësisë kanë njoftuar se gjate javës, përveç trupave të tjerë, do të mblidhet edhe Komiteti për vlerësim dhe koordinim të situatës me COVID-19, për të shqyrtuar propozimet për masa tjera eventuale.

Kujtojmë se ka dy javë që numri i te infektuarve më COVID-19 në Kosovë ka shënuar rritje alarmante dhe ende nuk është marrë ndonjë masë përforcuese./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy