Pasi bllokoi investimet qindra milionëshe në fushën e energjisë dhe minierave, Qeveria e Kosovës të mërkurën i ka dhënë statusin e Investitorit Strategjik kompanisë kosovare që do të investoi 11 milionë euro për përpunimin e pemëve.

Ministrja e Tregtisë, Rozeta Hajdari, në mbledhjen e qeverisë ka thënë se ky investim do të kontribuoi direkt në rritjen ekonomike të vendit.

“Pas një analize rishqyrtimi, do të implimentojë përpunimin e pemëve, në fund të vitit 2025 sipas planit pritet të jenë 38 mijë metra katrorë që investimet e tejkalojnë buxhetin prej 11 milionë euro”, është shprehur ministrja Hajdari.

-Advertisement-

Por, ditë më parë e njëjta u ka dhënë një goditje të fortë investitorëve strategjikë të Kosovës.

Gazeta Infokus ka siguruar dokumente që dëshmojnë se dy projekte qindra milionëshe në fushën e energjisë dhe minierave, që kishin marrë statusin e ‘Investitorit Strategjik’ nga qeveria e kaluar dhe po prisnin të nisnin investimet në Kosovë, ka vendosur t’i kthejë në rivlerësim.

“Cicavica Wind Farm 1 L.L.C.”, projekt i kompanisë franceze “Akou Energy” që do të investonte mbi 100 milionë euro për prodhimin e energjisë së ripërtërishme nga era dhe “Moxico – Luma Kosovo Mining L.L.C”, që do të investonte mbi 45 milionë euro për nxjerrjen e pasurive nëntokësore nuk po shihen me interes nga Qeveria e Kosovës e udhëhequr nga Albin Kurti.

Sipas një korrespodence mes ministres Hajdari me ministrave të kabinetit qeveritar- anëtarë të Komisionit për Investimet Strategjike, shihet se të dyja këto projekte edhe pse kanë kaluar të gjitha fazat e vlerësimit dhe po prisnin dritën e gjelbër nga Kuvendi i Kosovës nuk do vazhdojnë tutje.

Ndërkaq, kompania të cilën e ka rekomanduar ministrja Hajdari kishte një kontest ligjor të hapur me Ministrinë e Bujqësisë.

“Kosmonte Foods” sipas saj i ka tejkaluar pengesat që kishte në të kaluarën me Ministrinë e Bujqësisë janë tejkaluar.

“Pasi kishte disa çështje të ngritura të cilat kishin të bënin me Ministrinë e Bujqësisë, konkretisht me Agjencinë e Pyjeve të Kosovës, të cilët pretendonin se kishin nisur procedura ndaj subjektit. Subjekti zyrtarisht ka sjellë vërtetim nga institucionet se nuk ka asnjë pretendim të ngritur ndaj tyre në proces dhe të gjitha çështjet e pretenduara nga Agjencioni i Pyjeve tashmë kanë kaluar 2 vite prej se që janë ngritur”, thuhet në shkresën e ministres Hajdari.

Kjo edhe është marrë si bazë nga Qeveria e Kosovës që të ia njoh statusin e investitorit strategjik kësaj kompanie./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-