Sondazhi i institutit amerikan: Në Kosovë pëlqyeshmëria për Erdoganin është më e madhe se për Albin Kurtin
Autori: Gazeta inFokus 10:02 | 01 July 2022
Sipas rezultateve të publikuara nga Sondazhi rajonal për Ballkanin Perëndimor për vitin 2022 në kuadër të projektit të institutit amerikan “Instituti Republikan Ndërkombëtar”, pëlqyeshmëria për presidentin e Turqisë në Kosovë, Recep Tayyip Erdogan, është më e madhe sesa pëlqyeshmëria për Albin Kurtin.
Ndërsa para të dyve, me distancë të madhe është pëlqyeshmëria për presidentin amerikan, Joe Biden.
Në pyetjen “A keni opinion shumë të papëlqyeshëm, disi të papëlqyeshëm, disi të pëlqyeshëm ose shumë të pëlqyeshëm për liderët e poshtë shënuar botërorë?”, sa i përket Kosovës përgjigja ka qenë befasuese.
Si më i pëlqyeshmi del të jetë Joe Biden me 65 për qind të qytetarëve që opinionin për të e kanë “shumë i pëlqyeshëm” dhe 13 për qind që thonë se e kanë “disi të pëlqyeshëm”. Gjithsejtë 78 për qind e kosovarëve kanë opinion ose shumë, ose disi të pëlqyeshëm për Biden.
Në vendin e dytë është presidenti i Turqisë, Recep Tayyip Erdogan, me 40 për qind shumë pëlqyeshmëri dhe 32 për qind “disi pëlqyeshmëri”. Në total 72 për qind e kosovarëve e pëlqejnë shumë ose deri diku Erdoganin.
Kurse vetëm në vendin e tretë është Albin Kurti, kryeministër i Kosovës, për të cilin 40 për qind e të anketuarve kanë shumë pëlqyeshmëri, derisa 25 për qind deri diku pëlqyeshmëri.
Marrë në përgjithësi 65 për qind e qytetarëve në Kosovë kanë ose shumë pëlqyeshmëri ose disi pëlqyeshmëri për Kurtin.
“Institutit Republikan Ndërkombëtar” është një institut amerikan jo profitabil dhe që është i përkushtuar në avancimin e lirisë dhe demokracisë në botë duke ndihmuar akterët politikë, partitë politike dhe të tjerë të përfshirë në qeverisje që të merren më shumë me cështje substanciale.
Instituti merret edhe me programe për përfshirjen e të rinjve më shumë në politikë dhe ofron ndihmë sidomos për grupe të margjinalizuara në vende të ndryshme.
Instituti ishte formuar në vitin 1982 me iniciativë të presidentit të atëhershëm amerikan Ronald Reagan, derisa deri në vitin 2018 udhëheqës i institutit ishte John McCain. Atë e kishte zëvendësuar senatori amerikan, Dan Sullivan.
Metodologjia e sondazhit
Sondazhi është realizuar në kuadër të qendrës së institutit “Center for Insights in Survey Research” nga Ipsos Stregic Marketing, nga 30 dhjetori e deri me 20 shkurt. Të dhënat janë mbledhur me metodën e intervistës fizike – fytyrë me fytyrë – në shtëpinë e respondentëve me një metodë që e shpërndan mostrën në gjithë territorin dhe tek të gjitha nacionalitetet. Madhësia e mostrës ka qenë diku mes 1008 deri 1520 dhe margjina e gabimit mes 2.9 deri 3.5 për qind. /Albanianpost.com
Të tjera
-
“E lindur për së dyti” – Gratë lụftojnë dhụnën në familje me pavarësim financiar
Që nga korriku i vitit të kaluar, Vjollca – emër i vendosur nga Radio Evropa ...
-
Lutfi Haziri: Kryeministri Kurti nuk po guxon ta dërgoj draftin e Asociacionit në Kushtetuese
Nënkryetari i LDK-së, Lufti Haziri thotë se kryeministri Albin Kurti nuk ka g...
-
Raportuesja e OKB -së flet për masat ndaj Kinës
Alena Douhan, raportuese e posaçme e OKB-së mbi masat e njëanshme shtrënguese...
-
“I falsifikuar, nuk shantazhohem” – Hysen Durmishi pas publikimit të një “dokumenti” që pretendohet se është i policisë serbe
Zëvendësministri i Infrastrukturës, Hysen Durmishi, ka reaguar pas një “dokum...
-
Nisin punimet për zhbllokimin e rrugës Gjakovë-Klinë pas shembjes së dheut
Mesditën e sotme kanë filluar punimet që të zhbllokohet rruga Gjakovë-Klinë, ...
-
I dyshuari për atenat ndaj kryeministrit sllovak del para gjykatës
Personi i akuzuar për tentim-vrasje të kryeministrit sllovak, Robert Fico, ka...
-
Komuna e vogël në Filipine dyshon që kryetaren e kanë spiune kineze – ja pse
Qyteti i Bambanit në periferi të Manilas në Filipine është trazuar meqë po dy...
-
Vlora Çitaku e bindur: Zgjedhjet më së largu në korrik
Sekretarja e Përgjithshme e Partisë Demokratike të Kosovës(PDK), Vlora Çitaku...
-
Eurodeputeti holandez pasi Kosova nuk u fut në agjendë për KiE: Shtetet anëtare iu përkulën Serbisë
Eurodeputeti holandez, Thijs Reuten, ka bërë një reagim lidhur me mos-përfshi...
-
“Po bëjmë përpjekje që rruga të hapet” – Durmishi flet për bllokimin e rrugës Klinë – Gjakovë
Zëvendësministri i Infrastrukturës, Hysen Durmishi, ka thënë se janë duke bë...
-
Hovenier takohet me ushtarët amerikanë të dislokuar në Kosovë
Ambasadori i Shteteve të Bashkuara të Amerikës, Jeffrey Hovenier, është takua...
-
Çitaku: Mos anëtarësimi në KiE kronikë e një dështimi të paralajmëruar
Sekretarja e Përgjithshme e Partisë Demokratike të Kosovës (PDK), Vlora Çitak...