Fokus

Si i fitoi miliona euro tenderë ndër vite Milan Radojiçiq nga institucionet e Kosovës?

Autori: Gazeta inFokus 15:51 | 13 September 2024

Aktakuza e ngritur të mërkurën për rastin e Banjskës, duket se do t’i hap rrrugë disa hetimeve të reja.

Një ndër to janë tenderët të cilët i ka fituar nga institucionet publike kompania “RAD D.O.O”, e cila është bërë pjesë e aktakuzës.

Kjo kompani që për pronar ka Radulle Steviq, poashtu i akuzuar, përmendet në pjesën e aktakuzës e cila ndërlidhet me shpërlarje të parave.

-Advertisement-

Përmes kompanisë “RAD D.O.O”, sipas Prokurorisë Speciale, Milan Radojiçiq, i ka siguruar paratë për ta blerë armatimin me të cilin u realizua sulmi i 24 shtatorit, që bazuar në aktakuzë, kishte synim që ta aneksonte veriun e Kosovës dhe atë pjesë t’ia bashkonte Serbisë.

Milan Radojiçiq përfitoi miliona euro nga tenderët që i morri nga qeveria e Serbisë, por edhe nga ajo e Kosovës.

Ai nisi të fuqizohej që nga vitit 2017.

Sipas aktakuzës së Prokurorisë, në shumicën e tenderëve të fituar nga kompanitë e afërta me Milan Radojiçiq, nuk i kryenin punët për të cilat paguheshin. Në këtë formë, Radojiçiq ia doli që brenda pak vitesh të grumbullonte miliona euro.

Gazeta Infokus ka raportuar në vazhdimësi se shumica e tenderëve për veriun e Kosovës, fitoheshin nga dy kompani, “P.T.P RAD” dhe “RAD D.O.O”

 

Skandal: Kush është pronari dy kompanive serbe që mori miliona euro tender nga shteti i Kosovës

 

Të dyja kompanitë kishin pronarin e njëjtë, Radulle Steviq, mik i afërt i Milan Radojiçiq.

Kompania “RAD D.O.O” ia kishte dal të merrte tender edhe në kohën e qeverisë Kurti.

Ministria e Infrastrukturës, që drejtohet nga Liburn Aliu, ia kishte dhënë kompanisë së afërt me Radojiçiqin tenderin për “Mirëmbajtjen Verore dhe Dimërore 2021 – 2022 të Rrugëve nacionale dhe Rajonale”.

Mirëpo, pas raportimeve nga mediat, ministria ishte tërhequr duke e anuluar dhënien e tenderit.

Kompania “RAD D.O.O” ka qenë fituese edhe e shumicës së tenderëve të dhënë nga ministria e zhvillimit rajonal, si dhe nga katër komunat veriore, Zubin Potok, Leposaviq, Zveçan e Mitrovicë e Veriut. /Gazeta Infokus

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

fokus