Fokus

Mërgim Lushtaku “godet” Kurtin për deklaratën e tij ndaj Hashim Thaçit e Kadri Veselit “Po mdoket misioni i tij është me përqa UÇK-në”

Autori: Gazeta inFokus 12:53 | 03 July 2025

Deputeti i Partisë Demokratikë të Kosovës, Mërgim Lushtaku i ka reaguar ashpër kryeministrit në detyrë Albin Kurti për deklaratën e tij e ish-krerët e UÇK-së, Hashim Thaçin dhe Kadri Veselin, shkruan Gazeta Infokus.

Lushtaku në një intervistë për Infokus ka akuzuar Kurtin duke i thënë se misioni i tij  po duket që është përçarës , sidomos në një kohë kur ata po gjykohen në Hagë.

“Fatkeqësisht Kurti si kryeministër që pesë vite po sillet si viktimë dhe po nxit konflikte civile dhe ndoshta edhe ky është edhe misioni i tij por me keqardhje që realisht ne si qytetarë të vendit por edhe si deputet po ballafaqohemi me akuza të tilla në mungesë të zgjedhjes së problemit dhe të formimit të institucioneve. Prandaj është për keqardhje se si sillet ai në këtë kohë, kur ai është dashur të sillet si udhëheqës dhe si mbështetës edhe i lirisë dhe pavarësisë edhe i krerëve të luftës e jo përçarës çfarë është ai. Ndoshta edhe misioni i tij është i tillë”, ka deklaruar Lushtaku për Infokus.

-Advertisement-

Ndryshe ai tha se kjo gjë ështe e turpshme duke e ditur që ata po gjykohen si Ushtri Clirimtare e Kosovës, ku falë tyre ne kemi lirinë dhe pavarësinë.

“Në të vërtetë është shumë e turpshme, sidomos duke ditur që ata po gjykohen si Ushtri Çlirimtare e Kosovës edhe po i mbrojnë edhe njëherë lirinë edhe Luftën e shenjtë të Ushtrisë Çlirimtare të Kosovës për çlirimin e vendit edhe ne e dimë shumë mirë kontributin e Hashim Thaçit dhe Kadri Veselit që falë mundit të tyre dhe të dëshmorëve dhe gjithë atyre që kanë luftuar sot e kemi edhe lirinë por e kemi edhe pavarësinë, shtetin dhe institucionet që i kemi”, ka deklaruar tutje Lushtaku./Gazeta Infokus/

Për më shumë ndiqeni deklaratën e plotë të tij:

Subscribe në YouTube: GAZETA INFOKUSI
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

fokus