Fokus

Infokus siguron dokumentin që PDK ia ka dorëzuar Gjykatës Kushtetuese për tri seancat e fundit konstituive

Autori: Gazeta inFokus 19:01 | 03 July 2025

Gazeta Infokus ka siguruar dokumentin zyrtar që Partia Demokratike e Kosovës ia ka dorëzuar Gjykatës Kushtetuese, përmes të cilit kërkon vlerësimin e kushtetutshmërisë së veprimeve të ndërmarra gjatë seancës konstituive të Kuvendit të Kosovës të mbajtur më 29 qershor dhe vazhdimeve të saj më 1 dhe 3 korrik 2025.

PDK ka kontestuar:

  • Kërkesën për propozime për anëtarë të Komisionit për Votim të Fshehtë,

    -Advertisement-

  • Hedhjen në votim të këtij Komisioni,

  • Vetë votimin e Komisionit,

  • Dhe ndërprerjen arbitrare të seancës pas mosmiratimit të tij.

“Të gjitha këto veprime janë ndërmarrë në kundërshtim të hapur me Kushtetutën e Republikës së Kosovës dhe me aktgjykimin e fundit të Gjykatës Kushtetuese, i cili ka krijuar një gjendje të re juridike dhe ka përcaktuar qartë rrjedhën kushtetuese që duhet ndjekur për konstituimin e Kuvendit”, thuhet në njoftimin e PDK-së.

Në kërkesën e dorëzuar, PDK i ka propozuar Gjykatës Kushtetuese:

  • Të shpallë antikushtetues vendimin për votimin e Komisionit për Votim të Fshehtë,

  • Të shpallë antikushtetues vendimin për ndërprerjen e seancës konstituive,

  • Të urdhërojë Kuvendin që ta vazhdojë seancën deri në zgjedhjen e Kryetarit të Kuvendit, përmes votimit të hapur dhe transparent, në përputhje me Kushtetutën dhe praktikën parlamentare.

“Ky hap është thelbësor për të ndalur tendencën për përmbysje të rendit demokratik dhe për të garantuar që asnjë shumicë e përkohshme parlamentare të mos e vë veten mbi Kushtetutën. Partia Demokratike e Kosovës mbetet e vendosur në mbrojtje të ligjshmërisë, demokracisë dhe rendit kushtetues në Republikën e Kosovës”, thekson më tej PDK./GazetaInfokus

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

fokus