Fokus

Shtatë raste dh*une në familje në 24 orët e fundit, pesë vetëm në rajonin e Prishtinës

Autori: Gazeta inFokus 12:28 | 04 July 2025

Shtatë raste të dhunës në familje janë raportuar në 24 orët e fundit në Kosovë, prej të cilave pesë kanë ndodhur vetëm në rajonin e Prishtinës.

Rastet përfshijnë dhunë fizike, psikike dhe kërcënime ndaj anëtarëve të familjes, grave dhe vajzave, shkruan Gazeta Infokus.

Sipas raportit 24-orësh të Policisë së Kosovës, në një nga rastet e raportuara në Prishtinë më 3 korrik, një grua ka deklaruar se bashkëshorti i saj “ka ushtruar dhunë psikike dhe kishte dëmtuar orenditë e banesës.” Rasti është duke u hetuar dhe nuk raportohet për të arrestuar.

-Advertisement-

Një tjetër rast në Lipjan ka përfunduar me arrestim. “Është arrestuar i dyshuari mashkull kosovar pasi që, dyshohet se kishte sulmuar fizikisht vajzën e tij. Viktima ka pranuar tretman mjekësor. Me vendim të prokurorit, i dyshuari është dërguar në mbajtje.”

Në një tjetër incident në Prishtinë, një burrë ka raportuar se është sulmuar nga bashkëshortja e tij. “Pas një mosmarrëveshje, dyshohet se është sulmuar fizikisht nga bashkëshortja e tij. Me vendim të prokurorit, rasti shkon në procedurë të rregullt.”

Po ashtu në Graçanicë, një grua ka raportuar dhunë fizike nga bashkëshorti, ndërsa në një rast tjetër në Prishtinë, një burrë është arrestuar më 3 korrik për kanosje dhe shqetësim ndaj viktimës, një gruaje kosovare.

Rasti i shtatë është raportuar në Pejë, ku një burrë është arrestuar pasi dyshohet se “kishte keqtrajtuar psiqikisht dhe fizikisht viktimën femër kosovare.” Sipas Policisë, “viktima nuk ka pranuar tretman mjekësor. Me vendim të prokurorit, i dyshuari është dërguar në mbajtje.”

Këto raste dëshmojnë për një nivel shqetësues të dhunës në familje në vend, me rajonin e Prishtinës që vazhdon të dominojë me numrin më të madh të raportimeve./Gazeta Infokus

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

fokus