Fokus

“Me ua bo prishtinalive me pare me ardhë në Ferizaj”: Kryetari Aliu dhe Dakaj me humor për hapjen e nënkalimit më të madh në qytet

Autori: Gazeta inFokus 15:18 | 04 July 2025

Ferizaj po transformohet me ritme evropiane dhe këtë e konfirmon jo vetëm infrastruktura moderne, por edhe krenaria që ndjehet në çdo fjalë të përfaqësuesve lokalë.

Pas hapjes zyrtare të nënkalimit më të madh ndonjëherë në qytet, një projekt monumental që ndryshon përditshmërinë e qytetarëve, kryetari i Ferizajt, Agim Aliu dhe gazetari Shkelzen Dakaj, nuk kursyen edhe humorin.

“Me ua bo prishtinalive me pare me ardhë në Ferizaj!” – u shprehën me të qeshura Aliu dhe Dakaj, duke nënvizuar bukurinë dhe energjinë e re që po merr qyteti.

-Advertisement-

“Ka qenë qëllim, ka qenë dëshirë e imja që Ferizajasit të ndihen krenarë për qytetin e tyre – për transformimin që po ndodh, për projektet që po realizohen. Ferizaj sot ngjan me qytetet evropiane, sepse ne i kemi dhënë këtë dimension,” theksoi Aliu me bindje.

Nënkalimi monumental nuk është vetëm një projekt infrastrukturor është një simbol i përparimit, vizionit dhe përkushtimit ndaj qytetarëve.

“Ferizajasit e kanë merituar këtë. Janë taksapagues të mëdhenj, punëtorë të zellshëm, e kanë ndërtuar vetë këtë qytet. Tani u është dashur vetëm një dorë publike që t’i mbështesë dhe këto projekte janë pikërisht për ta – për ta çuar suksesin e tyre edhe më larg,” shtoi ai.

Ferizaj po frymon ndryshe. Me projekte që e afrojnë me standardet evropiane, qyteti po bëhet jo vetëm më funksional, por edhe më joshës, për banorët e tij dhe për këdo që kalon andej.

Ndiqni më poshtë videon e plotë:

Subscribe në YouTube: GAZETA INFOKUSI
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

fokus