Qeveria e Kosovës duhet të krijojë strategji me sektorin profitabil dhe me prioritet, për t’i deleguar të investimet që vinë nga diasporës.

Kështu thonë përfaqësues të Odës Ekonomike të Kosovës. Ekonomistët vlerësojnë se pjesa dërrmuese e investimeve të diasporës shkon në patundshmëri, dhe jo në prodhim, që mund të ndikonte në zhvillim ekonomik.

Qeveria e Kosovës duhet të ketë një strategji që e riorienton diasporën në investimet në Kosovë, në sektorët prodhues. Kryetari i Odës Ekonomike të Kosovës, Lulëzim Rafuna, duke folur për Radio Kosovën thotë se ende nuk e kanë të qartë se cilët janë sektorë profitabil në Kosovë.

“Është një strategji për zhvillim ekonomik, cila thënë të drejtën nuk është bërë në konsultim me asociacionin e bizneseve, odat, mirëpo ka nevojë siç do dokument që është I gjatë që ka nevojë me u fresku ndërkohë që rrethanat ndryshojnë, si ato politike, ekonomike, sociale edhe ai dokument duhet të ndryshojë, kështu që ish deshtë me urgjencë na me pas një strategji në fuqi ku i dimë cilët janë sektorët profitabil, cilët janë ata me prioritet për shtetin që konsiderojnë për zhvillim ekonomik të vendit, dhe diasporën me orientua në ata sektor”, tha Rafuna.

Ndërkohë, njohësi i ekonomisë, Safet Gërxhaliu, tha për Radio Kosovën, pjesa dërrmuese e investimeve nga diaspora e tyre shkon në patundshmëri.

“Është koha që duhet ta kemi një riorientim të këtyre mjeteve që të mos jenë gjithmonë të gjykuara që të jenë të konsumuara, por të jenë të gatshme që djersa e diasporës të jetë në të mirë të zhvillimit, të krijojë vende të reja të punës, të krijojë prodhim, inovacion, përmirësim të planit të pagesave, të përmirësojë imazhin e Kosovës”, deklaroi Gërxhaliu.

Demografia Mimoza Dushi, duke folur për Radio Kosovën vlerëson se diaspora jonë kanë gatishmëri të investojnë, por kërkojnë që ato investime të jenë të udhëhequra nga shteti.

“Qeveritë tona duhet të kenë vëmendje të posaçme për diasporën tonë. Shteti duhet t’i informojë ata për mungesat në mënyrë që investimet e tyre të jenë të suksesshme. Kërkohet që të ketë skema nxitëse për biznese dhe lehtësira të tjera. Në ligjet që i kemi ne për investime, diaspora konsiderohet si e huaj, pra si një gjerman dhe si një shqiptar i Gjermanisë që vjen për të investuar, trajtohen njëjtë. Politika investuese kanë vendet e rajonit, por tek pothuajse mungojnë”, tha Dushi.

Sidoqoftë, ekonomistët vlerësojnë se referuar në raportet e BQK-së, në periudhën janar-tetor të vitit të kaluar, rreth 700 milionë euro investime nga diaspora, vetëm 14 milionë kanë qenë në prodhim, ndërsa pjesa më e madhe rreth 500 milionë janë shkuar në patundshmëri përfshirë banesa, shtëpi dhe toka.

Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”

Sponsoruar