Lajme

Ngritet aktakuzë ndaj 4 personave për mashtrim, shmangie nga tatimi, keqpërdorim ekonomik dhe pastrim parash, dëmi mbi 1.8 milion euro

Autori: Gazeta inFokus 14:22 | 04 July 2025

Prokuroria Themelore në Prishtinë ka ngritur aktakuzë ndaj katër personave për një skemë mashtrimi që dyshohet se ka dëmtuar mbi 130 qytetarë dhe ka gjeneruar përfitime të paligjshme në vlerë prej gati 1.9 milion eurosh, shkruan Gazeta Infokus.

Sipas njoftimit zyrtar, të pandehurit G.G dhe T.G akuzohen për veprat penale “Mashtrim”, “Shmangie nga Tatimi” dhe “Keqpërdorim i Autorizimeve Ekonomike”, ndërsa N.G dhe M.G për veprën penale “Pastrimi i Parave”, në përputhje me Ligjin për Parandalimin e Pastrimit të Parave dhe Luftimin e Financimit të Terrorizmit.

Sipas aktakuzës, gjatë periudhës tetor 2020 – gusht 2024, G.G dhe T.G kanë mashtruar 131 qytetarë duke u premtuar ndërtimin e villave prej druri brenda 60 ditëve, me çmime promocionale. Megjithëse janë lidhur kontrata me viktimat, asnjë vilë nuk është ndërtuar.

-Advertisement-

Mjetet financiare të përfituara nga qytetarët – në total 1,894,250 euro – janë përdorur për blerjen e pasurive të paluajtshme, të cilat më pas janë regjistruar në emër të të pandehurve, të subjektit afarist dhe të bashkëshortes së njërës palë.

Prokuroria thotë se përmes kësaj skeme, të akuzuarit jo vetëm që kanë shmangur detyrimet tatimore, por edhe kanë kanalizuar mjetet në forma që përbëjnë elemente të pastrimit të parave.

Rasti tashmë është proceduar në gjykatë, ndërsa Prokuroria ka paralajmëruar ndjekje të mëtejshme penale ndaj të gjithë personave të përfshirë në këtë veprimtari të dyshuar kriminale.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme