Ministrja Haxhiu ia kërkoi prokurorit, opozita tash ia kërkon asaj “dorëzimin”
Autori: Gazeta inFokus 23:10 | 10 February 2023
Kërkesa e Ministres së Drejtësisë, Albulena Haxhiu, ndaj prokurorit që të tërhiqet nga aktakuza në rastin ku ajo akuzohet për hedhje të gazit lotësjellës në kuvend, ka bërë që të ketë reagime e kërkesa nga opozita drejt saj.
Nënkryetarja e Partisë Demokratike të Kosovës, Vlora Çitaku, ka thënë se kërkesa e Haxhiut ka qenë e tillë sepse qeveria aktuale sipas saj i do të dorëzuar të gjithë.
“’Dorëzohu, s’është vonë’ i paska thënë prokurorit e pandehura Albulena Haxhiu, ministre e Drejtësisë. Sepse, ashtu, të dorëzuar i duan të gjithë. Të dorëzuar i duan mjekët, mësuesit, policët, prokurorët, mediat, shoqërinë civile, opozitën. Kjo mendësi nuk kalon në Kosovë”, ka shkruar Çitaku.
Nga PDK, ka qenë Koordinatori për Drejtësi në Kabinetin e Qeverisjes së Mirë të PDK-së, Përparim Gruda, që ka vlerësuar se ministrja Haxhiu ka bërë presion mbi prokurorinë në rastin e aktakuzës ndaj saj.
“Ministrja e Drejtësisë, Albulena Haxhiu i paska bërë thirrje sot prokurorit të çështjes që të tërhiqet nga aktakuza kundër saj për hedhjen të gazit lotsjellës në Kuvend. Kjo thirrje mund të dëgjohet vetëm në vende me regjime totalitare, e assesi në një vend me aspirata për integrim evropian”.
Nga partia e dytë opozitare, LDK, ka kërkesa që vetë Haxhiu të dorëzohet.
“NË EMËR TË POPULLIT, DORËZOHU”, nis postimi i deputetes, Doarsa Kica-Xhelili.
“Këta nuk duan drejtësi, duan dorëzim! Kryeministri Kurti nga sot ka përgjegjësi absolute të jap llogari për ÇDO DITË shtesë që Albulena Haxhiu e kalon në Ministri të Drejtësisë. Shtetet demokratike këtë gjuhë nga ekzekutivi ndaj institucioneve të drejtësisë nuk e tolerojnë. Nuk i kemi duruar më parë e nuk do ti durojmë as tash!”, ka shkruar Kica-Xhelili në profilin e saj në Facebook.
Për nënkryetaren e LDK-së, Jehona Lushaku-Sadriu, po të ndodhte një thirrje e ngjashme në ndonjë shtet demokratik, menjëherë do të pasonte dorëheqja ose shkarkimi.
“Por, kur nuk po shkarkohet ende ambasadori milioner Martini, pse me dhanë dorëheqje ministrja Haxhiu?! Kosova ka nevojë për prokurorë që NUK DORËZOHEN, posaqërisht kur kërcënohen nga ministra. Për të mirën e Kosovës!”, ka shtuar Lushaku-Sadriu.
Për deputetin tjetër të LDK-së, Besian Mustafa, do të duhej që Ministrja e Drejtësisë t’u bënte thirrje prokurorëve që të mos dorëzohen.
“Ministrja e Drejtësisë do të duhej t’i jepte një zyrtari të drejtësisë, një prokurori, kurajo ‘MOS u dorëzo para askujt, as para një ministreje; kryej detyrën tënde deri në fund’”, ka shkruar Mustafa në Facebook.
“Familja jonë Mustafa kemi përvojë të hidhur, dëshpëruese, me drejtësinë në Kosovë. Por, shpresoj se zyrtarët tanë të drejtësisë KURRË të mos dorëzohen sepse shteti ligjor e i drejtë është obligim i secilit nga ne. Është detyra kombëtare, patriotizmi më i madh.MOS u dorëzoni, gra e burrë të drejtësisë, shkoni drejtësisë deri në fund! Për secilin qytetar, deputet, ministër, kryeministër, president, çkado”.
“Prandaj, ndonëse pas 7 vitesh i kërkoj prokurorit që të dorëzohet, të tërhiqet nga aktakuza. Nuk është vonë asnjëherë për të bërë një veprim te tillë”, ka deklaruar ministrja Haxhiu në seancën e mbajtur këtë të premte.
Të tjera
-
Abazi: Stili i vetëm që ka Kurti është viktimizimi
Ish-deputeti i Lëvizjes Vetëvendosje, Haki Abazi, e konsideron fajtor ish-she...
-
Rama sot në Athinë, do të takohet me shqiptarët atje
Sot me fillim nga ora 11:00, kryeministri i Shqipërisë, Edi Rama do të zhvill...
-
Një vajzë në Fushë Kosovë rrẩḣet nga vëllai i saj
Një vajzë në Fushë Kosovës ka raportuar se është rrahur nga vëllai i saj. ...
-
Zogaj flet për projektet madhore në Kryeqytet: Nënkalimi, sheshi “Xhorxh Bush” e Lojërat Mesdhetare, prioritet i yni
Nënkryetari i komunës së Prishtinës Alban Zogaj ka thënë për Ekonomia Online ...
-
Gruaja e raporton të zhdukur burrin e saj, thotë se doli me veturë dhe nuk e di vendndodhjen e tij
Një grua e ka raportuar të zhdukur bashkëshortin e saj. Ajo ka thënë se ai...
-
Ftesa e Kurtit për darkë pune me opozitën, pranon PDK-ja dhe e refuzon LDK-ja e AAK-ja
Kryeministri i vendit, Albin Kurti, i ka komentuar përgjigjet e partive opozi...
-
Bashkësi jashtëmartesore me person nën 16 vjeçare- e mitura kthehet te prindi, i dyshuari lirohet
Një person është arrestuar e më pas është liruar në procedurë të rregullt, pa...
-
Burrë e grua rrằḣin njëri-tjetrin në Pejë
Policia ka njoftuar për një rast të dhunës në familje në Pejë. Atje burrë ...
-
Arrestohet një person në Klinë, ushtroi vazhdimisht dhu*ë psikike ndaj nënës së tij
Një person në Klinë është arrestuar pasi i njëjti ka ushtruar dhunë psikike n...
-
Gjendet pa shenja jete një person në Prishtinë
Policia ka bërë të ditur se është raportuar se një person në Prishtinë është ...
-
Dyshimet për parregullësi në gradimin e policëve, IPK krijon grup të veçantë hetimor
Pasi u raportua se në konkursin për gradim të policëve nga “Polic i lartë” në...
-
VMRO dhe VLEN pajtohen për “shtyllat kryesore” të Qeverisë së re
VMRO DPMNE-ja dhe koalicioni i opozitës shqiptare, VLEN, thanë se kanë arritu...