Fokus

Memli Krasniqi kërkon hetim për komunikimin Mimoza Kusari Lila – Milan Radojiçiq

Autori: Gazeta inFokus 21:24 | 22 October 2024

Kryetari i Partisë Demokratike të Kosovës, Memli Krasniqi, ka kërkuar që komunikimi mes shefes së grupit parlamentar të Lëvizjes Vetëvendosje, Mimoza Kusari Lila dhe krerëve të Listës Serbe, përfshirë Milan Radojiçiq, të hetohen nga organet e drejtësisë.

Krasniqi në një intervistë për prodhimin e Gazetës Infokus, “Podcast me Shkëlzen Dakaj”, ka theksuar se ky është një skandal për të cilin duhet të ketë një trajtim më të thellë.

“Fakti i koordinimit të Lëvizjes Vetëvendosje me Listën Serbe përmes Mimoza Kusari Lilës dhe Slavko Simicit si urë dhe Milan Radojiçiqit si vendimmarrës, është skandal i cili meriton jo vetëm të trajtohet, por edhe duhet të hetohet. Sepse po flasim në mënyrë të veçantë për kohën kur Milan Radojiçiq ka qenë në listën e zezë të Shteteve të Bashkuara të Amerikës por edhe të Mbretërisë së Bashkuar, pra të Anglisë. Krejt kjo ka ndodhur në më pak se një vjet, në kohën kur ky terrorist dhe kriminel e ka organizu dhe e ka udhëheqë sulmin terrorist ndaj Kosovës në Banjskë”, ka thënë Krasniqi.

-Advertisement-

“Për një kohë të gjatë këta njerëz e kanë mashtru dhe e kanë manipulu opinionin e gjerë publik, e në mënyrë të veçantë votuesit e tyre dhe bazën e tyre kryesore mbështetëse dhe militante, duke ju thënë se këta nuk kanë as koalicion e as marrëveshje e as komunikim me Listës Serbe”, ka shtuar tutje Krasniqi. /Gazeta Infokus

Intervistën e plotë mund ta ndiqni në linkun më poshtë:

 

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

fokus