Kupa e Botës 2022

Maroku e Kroacia ndajnë pikët

Autori: Gazeta inFokus 12:59 | 23 November 2022

Në ndeshjen Marok – Kroaci fiton frika. Kjo sfidë, e para e Grupit F, ku bëjnë pjesë edhe Belgjika me Kanadanë, u mbyll pa fitues, madje me rrjeta të paprekura. Ishte një ndeshje e luftuar, por pa shumë raste për shënim, pasi të dyja skuadrat kishin si objektiv kryesor të mos humbnin.

Perisic iu afrua golit në minutën e 17-të, por goditja e tij përfundoi jashtë, ndërsa në kohën shtesë të fraksionit hapës portieri Bono ndali goditjen e Nicola Vasicit, për të ardhur më pas te tentativa e Luka Modricit, që shkoi mbi tra.

Gjatë pjesës së dytë, pikërisht në minutën e 51-të portieri i Kroacisë i mohoi golin Al Mazrauouit e pak më vonë grushtoi në pozicion goditjen e fortë nga distanca të Hakimit.

-Advertisement-

Në minutat e fundit si Maroku ashtu edhe Kroacia menduan më shumë për mbrojtjen, qartësisht të kënaqur që morën nga një pikë.