Lajme

Kurti e pret në zyrë bashkëpunëtorin e Clintonit, diskutojnë specifikisht për dy tema

Autori: Gazeta inFokus 13:43 | 30 May 2022

Kryeministri Albin Kurti u takua sot me Christopher Hyland, bashkëpunëtor i afërt me ish-presidentin amerikan Bill Clinton dhe udhëheqësi i fushatës së tij presidenciale.

Zyra e Kryeministrit tha se Kurti e falënderoi atë për angazhimin për Kosovën.

“Kryeministri Kurti e falënderoi z. Hyland për dedikimin e tij të gjatë ndaj Kosovës dhe paqes së qëndrueshme në rajon, duke qenë edhe një nga personat e parë që e solli çështjen e Kosovës në vëmendjen e atë kohë Presidentit të Shteteve të Bashkuara të Amerikës, Bill Clinton”, thuhet në komunikatë.

-Advertisement-

Sipas ZKM-së, Kurti dhe Hyland tha folën për rëndësinë e marrënieve mes Kosovës dhe SHBA-së, si dhe për rreziqet nga agresioni i Rusisë ndaj Ukrainës.

“Me z.Hyland, kryeministri Kurti foli për rëndësinë e veçantë të marrëdhënieve dhe raporteve me Shtetet e Bashkuara të Amerikës. Sidomos në rrafshin e zhvillimit ekomomik nëpërmjet investimeve potenciale të investitorëve amerikanë në Kosovë dhe në atë të sigurisë dhe paqes në Ballkan për shkak të rreziqeve që agresioni i paprovokuar rus ndaj Ukrainës mund të paraqes për rajonin. Këto dyja ishin edhe fokusi kryesor i vizitës sime në ShBA dhe do të vazhdojnë të jenë prioritete tona, u shpreh kryeministri Kurti”, thuhet në komunikatë.

Subscribe në YouTube: GAZETA INFOKUSI
Fillon aplikimi për Global Engineer Girls Kosova

Të tjera

Fokusi

lajme