Lajme

KDI i drejtohet kuvendit për përzgjedhjen e auditorëve: Çelni Kuletat

Autori: Gazeta inFokus 12:30 | 20 April 2022

Instituti Demokratik i Kosovës pas një raporti të nxjerrë nga Kuvendi i Kosovës për auditimet i ka bërë thirrje këtij institucioni që ta hapin kuletën dhe të ndajë buxhet më shumë për përzgjedhjen e auditorëve të raporteve financiare të subjekteve politike, shkruan Gazeta Infokus.

Madje nga ky institut kanë thënë se arsyeja kryesore pse kuvendi ka dështuar në përzgjedhjen e auditorëve të raporteve financiare të subjekteve politike, ka qenë mungesa e ofertave nga kompanitë e auditimit për shkak të buxhetit të pamjaftueshëm që ndahej për këtë qëllim.

Gjithashtu në këtë postim thuhet se me projektligjin e ri, Zyrës i garantohet buxhet mbi 300 mijë euro për auditimin e raporteve vjetore financiare dhe raporteve të fushatës së subjekteve politike.

-Advertisement-

“Me projektligjin e ri, Zyrës i garantohet buxhet mbi 300 mijë euro për auditimin e raporteve vjetore financiare dhe raporteve të fushatës së subjekteve politike. Këto mjete që i ndahen Zyrës, përbëjnë jo më pak se 5% të Fondit për Mbështetjen e Subjekteve Politike, si dhe respektivisht jo më pak se 3% të fondeve që caktohen për fushatën dhe operacionet zgjedhore”, thuhet në postim.

Për kryerjen e auditimit të raporteve vjetore financiare ndahen mjete në vlerë prej 200 mijë euro.

Gjatë zgjedhjeve, për raportet financiare të fushatës Zyrës i ndahen edhe rreth 120 mijë euro tjera./Gazeta Infokus/

Subscribe në YouTube: GAZETA INFOKUSI