Lajme

Murati konsultohet edhe me “chat gpt” për “qeverinë tranzicionale”: Është ide skandaloze

Autori: Gazeta inFokus 16:17 | 07 Maj 2025

Ministri në detyrë dhe deputeti i LVV-së, Hekuran Murati ka reaguar sërish ndaj idesë së kreut të LDK-së, Lumir Abdixhikut për një qeveri tranzicionale..

Por kësaj here Murati për të “konstatuar” deklaratat e tij u konsultua edhe me “chat gpt”-në.

Ai ka thënë se ideja e Abdixhikut është skandaloze dhe dërgon një mesazh të keq në bashkësinë ndërkombëtare.

-Advertisement-

“Qeveritë tranzicionale” bëhen të nevojshme në rastet kur një vend sapo ka dalë nga lufta, kur ka kolaps të sistemit politik (revolucion), kur ka zgjedhje me rezultat të kontestuar, apo kur vendi gjendet në situatë të kryengritjes ose luftës civile. Propozimi i Lumir Abdixhikut për një qeveri të tillë për Kosovën është skandaloz, dhe do të ishte mesazhi më i keq që do të mund t’i dërgohej bashkësisë ndërkombëtare”, ka thënë ai.

Murati ka thënë se Kosova ka qeveri në detyrë ajo cfarë po i mungon është konstituimi i Kuvendit që sipas tij po bllokohet nga opozita.

“Republika e Kosovës ka Qeveri në detyrë, e cila ushtron funksionin kushtetues deri në zgjedhjen e qeverisë së re. Nuk ka nevojë për eksperimente që na kthejnë në kohën e UNMIK-ut. Ajo çfarë po i mungon aktualisht Republikës së Kosovës është. Kuvendi i konstituuar, proces që po bllokohet nga opozita. Shiheni se çfarë shembuj të “qeverive tranzicionale” ofron ChatGPT”, shkruan ai, duke bashkuar edhe foton e përgjigjes së Chat GPT-së me shembuj të kësaj lloj qeverie për Kosovën në kohën e UNMIK-ut./Gazeta Infokus