Lajme

Kica-Xhelili i reagon Muratit: Zgjedhne kryeparlamentarin ne s’po iu ndalojmë, paraditë e fyeni LDK-në e pasdite e lusni me nderime

Autori: Gazeta inFokus 16:49 | 07 May 2025

Deputetja e Lidhjes Demokratike të Kosovës (LDK), Doarsa Kica-Xhelili, ka reaguar ashpër ndaj deklaratave të deputetit të Lëvizjes Vetëvendosje, Hekuran Murati, i cili akuzoi opozitën për bllokadë në Kuvend dhe e quajti “skandaloze” ofertën e kryetarit të LDK-së, Lumir Abdixhiku.

Përmes një reagimi publik, Kica-Xhelili ka theksuar se është pikërisht mazhoranca ajo që po e zvarrit zgjedhjen e Kryetarit të Kuvendit, duke imponuar kandidatura të papranueshme dhe duke mos ofruar zgjidhje reale, shkruan Gazeta Infokus.

“Hekuran, zgjedhe more zotëri kryekuvendarin e qeverinë, kush po ju ndal? Çka po prisni nga ne nëse zgjidhjet tona nuk po ju përshtaten?” – ka shkruar ajo.

-Advertisement-

Deputetja e LDK-së ka akuzuar Vetëvendosjen për hipokrizi, duke thënë se paradite fyejnë partinë e saj, ndërsa pasdite e lusin me nderime.

“Paradite shpifni e fyeni LDK-në që pasdite e lusni me nderime. As nuk kemi nevojë t’iu demantojmë më sepse ju përgënjeshtroni veten në sinkron”, thuhet më tej në reagim.

Ajo theksoi se Vetëvendosje ka dështuar 11 herë të zgjedhë një kryetar Kuvendi përmes kandidaturave të njëanshme, duke e futur vendin në krizë të thellë institucionale. Sipas saj, qeveria tranzicionale është një zgjidhje pragmatike për të shmangur thellimin e krizës politike dhe apatisë elektorale.

“Meqë të duket zgjidhja skandaloze, DIL e tregoju sinqerisht qytetarëve se si apetitet tuaja janë më të rëndësishme se stabiliteti politik”, përfundon reagimi i Kica-Xhelilit.

Murati konsultohet edhe me “chat gpt” për “qeverinë tranzicionale”: Është ide skandaloze

Subscribe në YouTube: GAZETA INFOKUSI
Etiketa:
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme