Lajme

Behrami ironizon me VV-në: Kosova ia ka borxh me organizu referendum mbarëkombëtar për Albulenën

Autori: Gazeta inFokus 13:41 | 07 May 2025

Deputeti i Partisë Demokratike të Kosovës (PDK), Artan Behrami, ka reaguar pas dështimit të seancës së radhës në Kuvend, duke ironizuar situatën politike dhe duke propozuar, në mënyrë sarkastike, dy “zgjidhje” për krizën aktuale, shkruan Gazeta Infokus.

Në një postim në rrjetet sociale, Behrami ka thumbuar Lëvizjen Vetëvendosje dhe deputeten Albulena Haxhiu, duke thënë:

“VV-ja është mirë me organizu një proces të votimit nëpër Misione Diplomatike për shoqen Albulenë. VV-ja ia ka marrë dorën me manipulu rezultatet.”

-Advertisement-

Më tej, ai shton me ironi:

“Nëse edhe kjo dështon, Kosova ia ka borxh me organizu referendum mbarëkombëtar për Albulenën!”

Duke e përshkruar situatën si një absurditet politik, Behrami përfundon postimin e tij me fjalët: “Çfarë cirku!”

Reagimi i tij vjen në vazhdën e përplasjeve politike dhe mungesës së konsensusit që ka pamundësuar mbajtjen e seancave të rregullta parlamentare në Kuvendin e Kosovës.

Subscribe në YouTube: GAZETA INFOKUSI