Fokus

Katër burra hynë për gjueti me armë të gjata në zonën e KEK-ut, prokuroria hap rast për armëmbajtje pa leje

Autori: Samire Jaha 11:46 | 02 November 2022

Katër persona ishin arrestuar nga Policia e Kosovës të dielën pasdite (30 tetor), pasi hynë armatosur në zonën e Korporatës Energjetike të Kosovës (KEK), shkruan Gazeta Infokus.

Policia u njoftua të dielën se këta katër burra ishin futur në zonën e KEK-ut me armë të gjata. Derisa ende nuk është sqaruar se pse këta persona u futën në këtë zonë me armë, nga prokuroria për Gazetën Infokus kanë konfirmuar vetëm se është hapur rast për armëmbajtje pa leje.

“Mbajtja në pronësi, kontroll ose posedim të paautorizuar të armëve” është rasti i cili sipas prokurorisë ka shkuar në procedurë të rregullt.

-Advertisement-

“Rastit të cilit i referoheni iu njoftojmë se me urdhër të prokurorit kujdestar është iniciuar rast në drejtim të veprës penale “Mbajtja në pronësi, kontroll ose posedim të paautorizuar të armëve”, si dhe vazhdon të trajtohet tutje në procedurë të rregullt”, ka deklaruar zëdhënësja e kësaj prokurorie, Laureta Ulaj për Infokus.

Megjithatë nga Policia e Kosovës u tha të dielën se katër të dyshuarit kishin qenë duke bërë gjueti ilegale, duke theksuar se i janë sekuestruar armët që i kishin pasur në posedim të paautorizuar.

“Pas pranimit të informacionit se disa persona të armatosur janë futur në zonën e KEK-ut, njësitet policore nga stacioni Obiliq menjëherë i janë përgjigjur rastit dhe në një kohë shumë të shkurtër janë lokalizuar dhe arrestuar katër (4) persona të dyshuar si dhe janë sekuestruar katër (4) armë të gjata dhe (89) fishekë të kalibrit 12mm”, thuhej në njoftimin e policisë./Gazeta Infokus/

 

Hynë të armatosur në zonën e KEK-ut në Obiliq, arrestohen katër persona

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

fokus