Edhe Kokaj thumba VV’së që s’po e lënë të flas: Shumë e vështirë me arritë te foltorja
Autori: Gazeta inFokus 15:54 | 22 September 2022
Profesori i Fizikës dhe deputeti i VV-së, Jahja Kokaj, është ankuar sërish për grupin e tij parlamentar që s’po e lënë të flasë. Ai me terma shkencorë tha se e kishte të vështirë të arrijë te foltorja e Kuvendit për dallim nga kolegët e tij që po arrijnë në mënyrë “frekuente”. Pakënaqësi ndaj GP të VV-së më herët ka pasur edhe deputeti Haki Abazi.
Kokaj sot mori fjalën i pari në seancën plenare të Kuvendit.
“Nëse do me arritë psh te kjo foltore ku sot arrita është shumë vështirë të arrish, unë i shoh disa kolegë të mi me çdo respekt arrijnë në mënyrë frekuente kurse ai pat thënë që duhet të arrish me një aktivitet strategji por edhe me bërryla”, u shpreh ai.
Fizikani Kokaj ishte ankuar edhe më herët ndaj shefes së deputetëve të VV-së, Mimoza Kusari Lila, duke thënë se s’po i japin hapësirë të mjaftueshme për t’i shprehur mendimet e tij shkencore në Kuvend.
“Këto mendime po kam dëshirë t’i jap, por është e vështirë ti të afrohesh te foltorja e parlamentit. Është vështirë se s’ta jep ty fjalën. Glauku ka respekt shumë të madh për mua. Por dikush, ta zëmë, deputeti i një partie çohet pesë herë në ditë flet. E unë e bëj aty… se është një procedurë… Ne jemi 58. Duhet t’i lajmërohesh kryetares së grupit parlamentar. Ajo kryetarja është gjakovare, ka respekt ndaj meje, thotë: profë, ta kalojmë edhe sot, mos fol, a di. Edhe sot ta kalojmë, mos fol, për arsye se s’je në rend dite ti me folë. Ama mua më vëlon sepse e di që janë kah flasin kot”, tha ai.
Edhe deputeti tjetër i VV-së, Haki Abazi, kishte shprehur pakënaqësi për grupin parlamentar të VV-së, dhe kishte vendosur të mos marrë pjesë në disa seanca.
Mungesën e Abazit e kishte komentuar vet shefja e deputetëve të VV-së, Mimoza Kusari.
Ajo kishte thënë se arsyet e mungesës së Abazit, lidheshin me kërkesën për krijimin e Grupit të Gjelbër.
“S’më duket se ka qenë direkt e lidhur me mua personalisht. Ne kemi komunikim të rregullt. Ka qenë me pakënaqësinë e tij për mos formimin e Grupit të Gjelbër që e ka thënë edhe publikisht dhe kjo ka qenë njëfarë shtytje e procesit. Nuk ka pasur diçka përtej kërkesës për formimin e këtij grupi”, kishte thënë ajo.
Të tjera
-
Ngjarjet e datës 16 maj
Komisioni për Legjislacion shqyrton raportin me amendamente të Komisionit Fun...
-
Bislimi thotë se takimi në Bruksel ishte i dështuar për shkak se Serbia paraqiti kushte të reja
Kryenegociatori i Kosovës, Besnik Bislimi, ka thënë se takimi i sotëm në Bruk...
-
Haziri: Për shpërndarjen e Kuvendit, do të votojë edhe LDK-ja
Ditëve të fundit janë shtuar zërat për shkuarje në zgjedhje të parakohshme pa...
-
Mbi 2 mijë fëmijë lindën në mars, prijnë me numër meshkujt
Vetëm gjatë muajit mars, kanë lindur 2 mijë e 042 fëmijë. Por dhe gjatë këtij...
-
Qentë endacakë sulm*ojnë gazetaren te Menza e Studentëve, publikon pamje
Gazetarja e Radio Kosovës, Behare Bajraktari ka thënë se sot rreth otës 18:00...
-
Krasniqi fton LDK-në e AAK-në për shpërndarjen e Kuvendit
Kryetari i Partisë Demokratike të Kosovës (PDK), Memli Krasniqi, i ka bërë th...
-
Kurti në Kotor, publikon pamje duke shtrënguar duart me O’Brien e Spajiq, Ramën “e fsheh”
Kryeministri i Kosovës, Albin Kurti, ka publikuar fotografi nga darka e s...
-
Takimi për “dinarin”, Qeveria: Pala serbe bëri propozime që synojnë legalizimin e strukturave të saj paralele e ilegale
Qeveria e Kosovës ka lëshuar komunikatë në lidhje me takimin e sotëm të zv/kr...
-
Osmani nderon Monumentin Kombëtar të Përkujtimit në Danimarkë
Presidentja e Republikës së Kosovës, Vjosa Osmani, sot ka nderuar Monumentin ...
-
Edi Rama i uron shërim të shpejtë kryeministrit sllovak
Kryeministri i Shqipërisë, Edi Rama i ka uruar shërim të shpejtë kryemini...
-
Arrestohet një person në Ferizaj, dyshohet se vodhi një motoçikletë
Është arrestuar një person i moshës 36-vjeçare në Ferizaj, pasi dyshohet se k...
-
Çështja e dinarit, Lajçak thotë se është gati të pres sërish palët nëse tregojnë gatishmëri për një zgjidhje
Bashkimi Evropian ka thënë se Kosova dhe Serbia nuk kanë arritur asnjë marrëv...